sakha.gov.ru
Мииринэй оройуонугар Удачнайга оҕо ускуустубатын оскуолатыгар «Дьиэ кэргэн» национальнай бырайыак иитинэн муусука саҥа үстүрүмүөннэрэ уонна тэриллэр ылылыннылар.
Оскуоланы хааччыйарга федеральнай, өрөспүүбүлүкэ уонна олохтоох бүддьүөттэртэн биэс мөл. тахса суумалаах субсидия көрүллүбүт. Бу харчыга акустическай рояль, графическай планшеттар, компьютер остуоллара, хомуллар олоппостор, паарталар, уо.д.а. ылыллыбыттар.
—«Дьиэ кэргэн» национальнай бырайыак баар буолан, оскуолабытыгар саҥа рояль ылылынна. Маннык үчүгэй үстүрүмүөҥҥэ оонньоотоххуна чахчы дуоһуйаҕын. Билигин уруоктарбыт өссө интэриэһинэй, сэргэх буоллулар, — диэн фортепиано кылааһыгар үөрэнэр Юрий Циренов үөрүүтүн үллэстэр.
— Ускуустуба оскуолатыгар үөрэнэр оҕолоох ийэ буоларым быһыытынан, РФ уонна СӨ Бырабыыталыстыбаларыгар, оройуоммут салалтатыгар улахан махталбын тиэрдэбин. «Дьиэ кэргэн» национальнай бырайыак олоххо киллэриллэн, 2025 сылга Удачнайга оҕо ускуустубатын оскуолата саҥа тэрилинэн хааччылынна. Бу муусукаҕа уонна уруһуйдуурга үөрэнэр оҕолор айар дьоҕурдара сайдарыгар тирэх буолар, — диэн этэр фортепиано отделениетын 6 кылааһыгар үөрэнэр Агата Потапова ийэтэ Кира Потапова.
Саҥа тэрили ылбыттарын сэтинньи бүтүүтэ үөрүүлээх быһыыга-майгыга дьоҥҥо-сэргэҕэ көрдөрөр, тэрээһин оҥорор былааннаахтар.
—50 сыллаах кирбиини ааспыт оскуолабытыгар — «Дьиэ кэргэн» бырайыакка кыттыы улахан ситиһии. Өр сылларга Удачнайдааҕы оҕо ускуустубатын оскуолата ускуустуба үөрэҕин тэрилтэлэрин ортотугар инники күөҥҥэ сылдьар. Национальнай бырайыак көмөтүнэн оскуолабыт аныгы үйэ ирдэбилигэр эппиэттиир тэрилинэн хааччылынна. Бырайыакка кыттарга кыах бэриллибитигэр преподавателлэр ааттарыттан махтанабын, — диэн үөрэх чааһыгар дириэктэри солбуйааччы, фортепиано отделениетын сэбиэдиссэйэ Наталья Позднякова этэр.
Оҕо ускуустубатын оскуолатын кэлэктиибэ өйөбүл, тирэх буолбуттарын иһин РФ Бэрэсидьиэнигэр В.Путиҥҥа, Ил Дархан А.Николаевка уонна Мииринэй оройуонун баһылыгар А.Басыровка махтаналлар.
Сиһилии: https://www.sakha.gov.ru/news/14514
СӨ Ил Дарханын уонна Бырабыыталыстыбатын пресс-сулууспата
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…