Ил Дархан телеграм-ханаалыттан.
Бөөлүүн «Удачнай» рудникка метан салгыҥҥа тарҕанан, эстии түмүгэр дьон эчэйдэ. Хомойуох иһин, онтон үс киһи тыына быһынна. Быһылаан тахсыбытынан Ил Дархан Айсен Николаев СӨ Баһылыгын уонна Бырабыыталыстыбатын дьаһалтатын кытта мунньахтаата.
«Удачнай» рудникка метан салгыҥҥа тарҕанна. Миэхэ бу туһунан түүн АЛРОСА генеральнай дириэктэрэ Павел Маринычев иһитиннэрэн, хампаанньа эчэйбит дьоҥҥо көмөнү оҥорууга туох миэрэлэри ылыммытын иһитиннэрбитэ. Эстии түмүгэр биэс киһи эчэйдэ, хомойуох иһин онтон үс киһитэ тыына быһынна. Шахтердар дьиэ кэргэттэригэр, чугас дьонугар кутурҕаммын биллэрэбин. Кинилэргэр тустаах көмө оҥоһуллуоҕа.
Сарсыарда эрдэ бырабыыталыстыба бэрэссэдээтэлин бастакы солбуйааччы Дмитрий Садовников мунньахтаата. Икки эчэйбит киһи госпитализацияланнылар, кинилэргэ мэдиссиинискэй көмө оҥоһуллар. Дьокуускайтан Удачнайга 9 миэдиктээх өрөспүүбүлүкэ сүрүн хирура көттө. Быһылаан миэстэтигэр силиэстийэлиир-суһал бөлөх үлэлиир. Өрөспүүбүлүкэ бырамыысыланнай тэрилтэлэригэр үлэҕэ куттал суох буолуутун тэрийэри күүһүрдэргэ соруйдум», — диэн Ил Дархан Айсен Николаев телеграм-ханаалыгар суруйда.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…