Хаартыска: Мария Васильева, СИА.
Саха сиринээҕи мүөтү оҥорор киин Удмуртияҕа мүөттээх ыҥырыалары көрөөччү бырааттыы Сапаевтары кытары бырайыактарын чэрчитинэн, Мэҥэ Хаҥалас улууһун Сыымах сэлиэнньэтигэр ыҥырыалары аҕалыахтара.
Бу айан олус суолталаах – ыҥырыалар көһөргө төһө бэлэмнэриттэн уйаларын тиэйэн аҕалыы болдьоҕо быһаарыллыаҕа.
Бырааттыылартан биирдэстэрэ Николай Сапаев бэлиэтээн эппитинэн, ураты болҕомто ыҥырыа уйатын салгынын ыраастыырга уонна сөптөөх килиимэти оҥорорго уурулунна. Ону таһынан, ыҥырыалар этэҥҥэ айаннаан кэлэллэрин туһугар аналлаах иһиттэргэ уу бэриллэр.
Ыҥырыалар аны саҥа сиргэ кэлэн үөрэниэхтэрин наада.
Тигээйини иитиигэ үөрүйэхтээх хамаанда Удмуртияттан Саха сиригэр этэҥҥэ аҕалыллалларын мэктиэлиир туһугар наадалаах үлэни барытын оҥорор. Ыҥырыаны иитиини сайыннарарга аналлаах бырайыак кыттыылаахтара – Мэҥэ Хаҥалас улууһун олохтоохторо уйаларын тутан саҕалаары уонна күннээҕи көрүүгэ-истиигэ сүбэ-ама ылаары идэлээх дьону тулуйбакка күүтэллэр.
Мэҥэ Хаҥалас улууһун тыа хаһаайыстыбатын управлениетын начаалынньыга Иннокентий Семенов бу иннинэ иһитиннэрбитинэн, олохтоохтор тигээйини ииитиини улаханнык кэрэхсээбиттэр, 80-тан тахса сайаапка киирбит.
Саха сиригэр инвестицияны тардар уонна тастан киириини өйүүр ааҕыныстыба салайааччыта Анна Стручкова өрөспүүбүлүкэҕэ ыҥырыаны иитии тыа хаһаайыстыбатын көрдөрүүтүн үрдэтэргэ уонна бүтүн экология систиэмэтин тэрийэргэ көмөлөһүөн сөбүн бэлиэтиир.
Ыҥырыалары Мэҥэ Хаҥалас улууһугар бэс ыйа бүтүөр диэри аҕалаллара күүтүллэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…