Удьуор талааннар биир дойдулаахтарын кытта ситимнээхтэр

Хаҥалас улууһун Тиит Эбэ нэһилиэгин түмэлэ улууска биир бастыҥ үлэлээх тэрилтэнэн биллэр.

Манна араас ис хоһоонноох тэрээһиннэри тэрийэн ыыталлар. Тиит Эбэттэн «Сарыал» Култуура киинин дириэктэрэ Мария Михайлова сонунун бу курдук кэпсээтэ:

— Бу күннэргэ түмэлбит үлэһиттэрэ утуу-субуу күндү ыалдьыттары көрсөллөр. Тиит- Эбэбитигэр  биир дойдулаахпыт, удьуор талааннаах Заболоцкайдар кыыстара Мария Заболоцкая  ыалдьыттаата. Кини төрөөбүт Дьөппөнүн дьонугар бэйэтин талаанын кистэлэҥин арыйан, анал маастар-кылаас ыытта. Барыта 13 көхтөөх далбар хотуттар сылдьан, кэрэни кэрэхсээн, элбэххэ үөрэннилэр. Бу көрсүһүү кистэнэ сылдьар талааннары  арыйда.  Онон кыыспытыгар  Мария Борисовнаҕа махталбытын тиэрдэн, «өссө да кэлээр» дии хааллыбыт.