Хаартыска уонна видео -- Елена Потоцкая
“Норуот маастара” күнүн чэрчитинэн ыытыллар “Якутия мастеровая” быыстапканы кытта быйыл Дьиэ кэргэн уонна Оҕо сылларынан сибээстээн «Удьуор Уус ситимэ» диэн уус-уран оҥоһукка дьиэ кэргэн династияларын куонкуруһа буолан ааста.
Тэрээһин Арассыыйатааҕы «Вера. Надежда. Любовь» диэн национальнай култуураны, төрүт үгэһи норуот уус-уран оҥоһуктарыгар киллэрэн үйэтитэр, талааннаах дьиэ кэргэннэри чиэстиир тэрээһин чэрчитинэн ыытылынна.
“Норуот маастара” күнэ бэлиэтэниитин көҕүлээччилэртэн биирдэстэрэ, “Якутия мастеровая” быыстапканы тэрийээччи, саха национальнай таҥаһын кэтэн сэлэлээн хаамыыны төрүттээбит «Симэх» галерея салайааччыта, уопсастыбаннай диэйэтэл, РФ уонна СӨ култууратын үтүөлээх үлэһитэ Яна Игнатьева Дьиэ кэргэн сылыгар суолталаах тэрээһиҥҥэ өрөспүүбүлүкэ улуустарыттан кытта кэлбит 10 ыалы ис сүрэҕиттэн эҕэрдэлээн туран: «Эһиги бүгүн бэйэҕит дьиэ кэргэҥҥит үгэһин үүнэр көлүөнэҕитигэр тиэрдэн иһэр буолан, олоххутун байытаҕыт», — диэн бэлиэтээтэ.
«Удьуор Уус ситимэ» диэн дьиэ кэргэн династияларын билиһиннэрэр куонкуруска кыттааччылар ох курдук оҥостон кэлбиттэр. Бары бэйэлэрин төрүччүлэрин оҥорбуттара — ураты көстүү. «Бу аҕыйах ый иһигэр бэлэмнэнэн кэлэн кыттыы буолбакка, систиэмэлээх үлэ түмүгэ. Саҥа сылга үктэнээт, ахсынньыга ыыппыт балаһыанньабытынан бэлэмнэнэн барбыттара. Бары урукку сылларга оҥорбут оҥоһуктарын хомуйаат аҕаллылар. Онон бу көлүөнэттэн көлүөнэҕэ бэриллэ турар үгэс быһыытынан сыаналаатыбыт», — диэн бэлиэтиир Яна Игнатьева. Дьиэ кэргэннэр төрүччүлэрэ үгүс дьон болҕомтотун тарта.
Дьиэ кэргэттэр бэйэлэрин билиһиннэриилэрин түмүгүнэн «Удьуор Уус ситимэ» куонкурус кыайыылааҕынан Муома улууһун Улахан Чыыстай нэһилиэгин Степан Слепцов аатынан «Мэҥэн ҥал» аҕа ууһун общината бастыҥынан ааттанна. Иккис миэстэ — Бүлүү улууһуттан Степановтар дьиэ кэргэн, үһүс миэстэ — Нам улууһун Хатырыгыттан Васильевтар дьиэ кэргэн буоллулар.
Муома улууһун Слепцовтар дьиэ кэргэттэрин туһунан салайааччылара Анисья Соркомова маннык билиһиннэрдэ:
Түөрт бииргэ төрөөбүт эдьиийдии-балыс биир-биир сценаҕа тахсан бэйэлэрин дьиэ кэргэттэрин билиһиннэрдилэр.
Слепцовтар бары «ыстаадаҕа балааккаҕа төрөөбүппүт» диэн киэн тутта эттилэр.
Кэлэр сылларга Норуот маастарын күнүн чэрчитинэн ыытыллар тэрээһиннэргэ уус дьиэ кэргэн династияларын конкуруһун эмиэ киллэриэххэ сөп эбит.
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…