Удьуор үҥкүүһүт айар киэһэтэ буолуоҕа

Share

Сэтинньи 20 күнүгэр “Сэргэлээх уоттара” култуура киинигэр С.А. Зверев-Кыыл Уолун аатынан Национальнай үҥкүү тыйаатыра “Өбүгэ үгэһэ” диэн кэнсиэри көрдөрүөҕэ. Бу балет артыыһа, СӨ култууратын туйгуна Дьулустаан Харлампьев Эр Хоһууттар куттарын-сүрдэрин сааһылыыр, бөҕөргөтөр аналлаах айар киэһэтэ буолар.

Кэнсиэргэ Кэскил Баишев, Лэгэнтэй, Виталий Очиров, Аскалон Павлов, Георгий Слепцов-Чаҕылхан, Артур Семенов, Александр Карманов, Михаил Винокуров, Дьулустан Никифоров, «Умсан», «Тэлээрис», «Эрэл, «Өркөн», «Аар аартык» үҥкүү бөхөтөрө, «Кыталык» ансаамбыл, «Гулун» аҕыйах ахсааннаах норуоттар тыйаатырдара, Кыыл Уолун аатынан Үҥкүү тыйаатыра кыттыахтара.

Дьулустан Харлампьев удьуор үҥкүүһүт. Оҕо эрдэҕиттэн муусука, үҥкүү эйгэтигэр улааппыта, спордунан дьарыктаммыта. Төрөппүттэрэ Александра Николаевна уонна Дмитрий Григорьевич Харлампьевтар айар үлэлэрин Судаарыстыбаннай үҥкүү ансаамбылыттан саҕалаабыттара. Билигин З.К. Степанов аатынан Кэбээйитээҕи оҕо ускуустубатын оскуолатыгар үлэлииллэр.

Дьулустаан оҕо эрдэҕиттэн үҥкүүлээн, элбэх куонкурустарга лауреат аатын ылбыта. 2005 сыллаахха култуура, ускуустуба кэллиэһин бүтэрбитэ. Бу кэмтэн Национальнай үҥкүү тыйаатырыгар артыыһынан үлэлиир, үгүс испэктээкиллэргэ, туруорууларга үҥкүүлээбитэ. Ону тэҥэ, бэйэтэ эмиэ улахан ыһыахтарга, спартакиадаларга, о.д.а. үҥкүүлэри туруорар.

Тыйаатыр састаабыгар киирсэн, Москва, Санкт-Петербург куораттарга, Бельгияҕа, Францияҕа, Турцияҕа буолбут аан дойдутааҕы бэстибээллэргэ кыттыбыта.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

5 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

5 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

6 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

6 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

7 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

7 часов ago