Мария Васильева хаартыската, ЯСИА.
2025 сыл ыам ыйыгар биир дьахтар «Хатас» СХПК тэрилтэтиттэн бэйэ дьиэтин туттарга (ИЖС) анаммыт сири атыыласпыт. Харчытын кирэдьиит ылан толору төлөөөбүт. Бу туһунан СӨ Үрдүкү Суутун пресс-сулууспата иһитиннэрэр.
Дьокуускай куорат дьаһалтатыттан дьиэ тутарга көҥүл ылбыт. Ол гынан баран, дьахтар сири бэйэтин бас билиитигэр оҥотторбутун кэннэ, сир Хатас бөһүөлэгин үрдүк баттааһыннаах гаас ситимэ эргийэр харыстанар сиригэр сытарын билбит. Итинтэн сылтаан, атыыласпыт сиригэр дьиэни туттара кыаллыбат буолбут. Дьахтар суукка ирдэбили үҥсүү түһэрбит. Онно атыылаһар-атыылыыр дуогабары түһэрсибит кэмигэр, атыылааччы сири туһаныыга хааччахтааһын баарын туһунан ЕГРН-тан ылбыт быыпыскатыгар туох даҕаны суруллубатаҕын ыйбыт. Ону таһынан, атыылааччы сири туһаныыга баар хааччахтааһыннар тустарынан сэрэппэтэх. Дьахтар атыылааччыга дуогабары тохтоторго уонна харчытын төннөрөргө сайабылыанньа ыыппыт, ол гынан баран, анарааҥыта харчыны төннөрөртөн аккаастаммыт. Ол иһин дьахтар суукка үҥсүбүт, дуогабары көтүрэргэ, 2 200 000 солк. төннөрөргө, суукка ороскуотун 60 000 солк. уонна судаарыстыба туһатыгар 40 000 солк. төлөтөргө көрдөспүт.
Суут мунньаҕар атыылааччы бэрэстэбиитэлэ дьахтар ирдэбиллэрин кытта сөбүлэспэтин биллэрбит.
Суут быһаарбытынан, учаастак гаас ситимэ ааһар сиригэр сытар. РФ Сир кодексатын 56 ыст. 1 п. уонна 105 ыст. 6 п., ол эбэтэр 1999 сыл кулун тутар 31 күнүнээҕи 69-ФЗ №-дээх «О газоснабжении в Российской Федерации» сокуон 28 ыст. олоҕуран дьиэ эбэтэр атын даҕаны тутуулары ыытар кыаллыбат. Дакаастабыл Дьокуускай дьаһалтатын куораты тутууга департаменын дааннайдарынан бигэргэтиллибит. Дуогабар түһэрсии кэмигэр атыылааччы дьахтары бутуйан, туох даҕаны тутуллуо суохтаах, харыстанар сиргэ атыылаабыт. Атыылааччы хааччахтаах сири атыылыырын туһунан тугу даҕаны эппэтэх.
Дьокуускай куорат суута дьахтар ирдэбилин толору ылынан, атыылыыр-атыылаһар дуогабары көтүрдэ, атыылааччыттан 2 200 000 солк. төнүннэрдэ. Ону таһынан, дьахтар сири бас билэр быраабын көтүрэн, сири атыылааччы бас билиитигэр төннөрбүт.
Атыылааччы бу быһаарыыны ааһыныыга биэрбит. СӨ Үрдүкү Суутун Гражданскай дьыалаларга кэллиэгийэтэ дьыала матырыйаалларын үөрэтэн, икки өттүттэн дакаастабыллары истэн, суут быһаарыытын уларытарга дуу, тохтоторго дуу төрүөтү булбата. Суут бастакы инстанциятын быһаарыыта күүһүгэр киирдэ.
«Аҕа дойду көмүскээччилэрэ» пуонда байыаннай дьайыы кыттыылаахтарыгар уонна бэтэрээннэригэр үөрэх ылалларыгар, саҥа идэни баһылыылларыгар көмөлөһөр.…
Байыаннай дьайыы саҕаланыаҕыттан "Якутия с тобой!" уопсастыбаннай тэриллии волонтердара Саха сирин байыастарыгар 135 туоннаттан тахса…
Ньурба улууһугар биэс киһи баһаарга былдьаммытынан үс күннээх траур биллэрилиннэ. Бу туһунан улуус баһылыга Алексей…
РФ Бырабыыталыстыбатын бэрэссэдээтэлин солбуйааччы -- Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев "Россия-24" телеханаалга…
2026 сылга «УЦН 2.0» федеральнай бырайыак чэрчитинэн Саха сиригэр өссө 17 нэһилиэккэ суотабай сибээс ыстаансыйаларын…
Бүгүн Доруобуйа харыстабылын министиэристибэтэ Ньурба улууһугар бөлүүн баһаарга эмсэҕэлээбиттэр туруктарын туһунан иһитиннэрдэ. Ньурба улууһун Ньурбачаан…