УГМС сэрэтэр: буурҕа, тобурах, этиҥнээх ардах

Бүгүн, атырдьах ыйын 5 күнүгэр, Уус Алдан, Чурапчы, Таатта, Амма, Уус Маайа, Томпо, Өймөкөөн улуустарыгар сорох сиринэн күүстээх этиҥнээх ардах, тобурах түһэрэ күүтүллэр.

Этиҥнээх ардах кэмигэр буурҕа сөкүүндэҕэ 15-20 м. диэри күүһүрүөҕэ. Бу туһунан Саха сиринээҕи УГМС саайта иһитиннэрэр.

Уотунан хааччыйар уонна сибээс эбийиэктэригэр саахал тахсар куттала улаатар. Мөлтөхтүк бөҕөргөтүллүбүт эргэ тутуулар, угуйук уонна иһитиннэрэр щиттэр сууллуохтарын, дьиэлэр кырыыһалара алдьаныан сөп.

Өрөспүүбүлүкэтээҕи уонна олохтоох суолталаах суолларга суол быһылааннарын ахсаана элбиир, массыына харыылара, ону тэҥэ аэропордар үлэлэрэ кэһиллэр куттала үөскүүр. Нэһилиэнньэҕэ сүбэлэнэр:

• Ыраах айантан туттунуҥ эбэтэр суолга айан кэмигэр сэрэхтээх буолуҥ;
• Массыына суолун, трассаны туоруурга ордук сэрэхтээх буолуҥ;
• Уулуссаҕа сылдьар кэмҥэ сэрэхтээх буолуҥ, оҕолору көрүүтэ-истиитэ суох хаалларымаҥ.