УГМС сэрэтэр: Дьааҥы өрүстэригэр уу таһыма үрдүүрэ күүтүллэр

Ардах кэнниттэн Дьааҥы оройуонугар Дулҕалаах, Сартаҥ уонна Адыачча өрүстэр үөһээ тардыыларыгар ардахтан халааннар үөскээн эрэллэрэ бэлиэтэнэр. Бу туһунан Саха сиринээҕи УГМС саайта иһитиннэрэр.

Стационарнай гидрологическай постар (Дулҕалаах өрүс – Өкүччү г.п., Сартаҥ өрүс – Үнкүр с., Адыачча өрүс – Уус-Чаркы г.п.) дааннайдарынан, уу таһымын сууккатааҕы үрдээһинэ 106-тан 132 см-га диэри тэҥнэһэр.

Билиҥҥи туругунан, уу таһыма  бэлиэттэн намыһах. Чуолаан, атырдьах ыйын 9-10 күннэригэр, Дулҕалаах, Сартаҥ уонна Адыачча өрүстэргэ уу таһыма салгыы үрдүөҕэ, сууккаҕа 1,0-тан 2,0 м-гэ диэри күүстээхтик эбиллэрэ күүтүллэр.

Өрүстэр кытылларыттан тахсан, кытыыга чугас сытар Дьааҥы оройуонун тыатын хаһаайыстыбатын сирдэрин уонна нэһилиэнньэлээх пууннарын намыһах учаастактарын халаан уута ылара сабаҕаланар. Бастакы сэрэтии күн аайы тахсар гидрологическай бүллүтүөннэринэн уонна штормовой сэрэтиилэринэн чуолкайданан иһиэҕэ.