Угуйугунан мэҥиэлээн, Telegram-ханааллар аккауннарын уораллар

Угуйук угуохпутун баҕарабыт диир дьоҥҥо киирэн биэримэҥ.

Түөкүттэр бас билээччилэри эбэтэр администратордары кытта биллэр маркетплейстар ааттарыттан эрийэллэр уонна кинилэр ханаалларыгар угуйук угуохтарын баҕаралларын туһунан этэллэр. Бу туһунан Ис Дьыала министиэристибэтигэр кэпсээтилэр диэн иһитиннэрэр @rgrunews. Кэпсэтээччитин итэҕэлигэр киирэр туһугар бэрт уһуннук кэпсэтии ыыталлар, угуйук хайдах буолуохтааҕын, туох усулуобуйалааҕын быһаарсаллар.

Итинник гынан сэрэхтэрин сүтэрбиттэрин кэннэ, түөкүттэр “угуйук кэбиниэтигэр регистрацияланыҥ” уонна аккауну холбуур туһугар код ыытыахпыт дииллэр. Коду тутаат да, түөкүттэр аккауну алдьатан, киһи туох баар персональнай дааннайдарыгар киирэр кыахтаналлар.