Хаартыска: Андрей Сорокин, СИА.
Быйылгыттан саҕалаан, идэлэригэр үрдүк көрдөрүүлэрин иһин сыллата өрөспүүбүлүкэ 36 бастыҥ уһуйааччы-педагогар Ил Дархан бириэмийэтин туттарыахтара. Куонкурус ыытыллар балаһыанньатын бырайыагын СӨ Бырабыыталыстыбатын мунньаҕар көрдүлэр.
Ил Дархан Айсен Николаев Арассыыйаҕа Педагог уонна уһуйааччы сылынан педагогтар статустарын өрө тутууга, кинилэри көҕүлүүргэ үлэ барыаҕа диэн эрдэ бэлиэтээн турар. Айсен Николаев 36 педагог-уһуйааччыга 100-түү тыһ. солк. суумалаах бириэмийэни олохтообута. Педагогтары улуус уонна куорат уокуругун олохтоохторо талаллар.
“Ил Дархан, уопсастыбаннай билиниигэ олоҕуран бастыҥ уһуйааччы-педагогка бириэмийэни олохтуур туһунан балаһыанньаны оҥорорго Бырабыыталыстыбаҕа сорудах биэрбитэ. Маныаха хас биирдии улууска уонна куорат уокуруктарыгар куонкурус ыытыллыаҕа. Бүгүн СӨ Үөрэҕин уонна билимин министиэристибэтэ бэлэмнээбит балаһыанньатын бырайыагын көрдүбүт. Бырайыакка олоҕуран, куонкурус сыллата атырдьах ыйыттан балаҕан ыйыгар диэри ыытыллыаҕа. Бириэмийэни Учуутал күнүгэр туттарыахтара”, — диэн Бырабыыталыстыба бэрэссэдээтэлэ Андрей Тарасенко бэлиэтээтэ.
Бастыҥ уһуйааччы-педагогу хас биирдии улууска уонна куораттааҕы уокурукка куонкурус быһыытынан уонна аһаҕас куоластааһынынан быһаарыахтара.
Куонкуруска уһуйаан, алын кылаас, сүрүн, орто уопсай, эбии үөрэхтээһин уонна орто анал үөрэх педагогическай үлэһиттэрэ кыттыахтарын сөп.
Хандьыдааттары сыаналааһыҥҥа уһуйар үлэҕэ ситиһиилэрин учуоттуохтара, ааптар быһыытынан мэтиэдикэтин, тус сайдыы бырагырааматын туһанарын, педагогтар идэтийиилэригэр, сайдалларыгар усулуобуйаны тэрийиитин көрүөхтэрэ.
Ил Дархан уонна Бырабыыталыстыба пресс-сулууспата.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…