Хаартыска: minobrnauki.sakha.gov.ru
Уһуйар үлэнэн дьарыктанар педагогтар ааттарын-суолларын, таһымнарын үрдэтэр инниттэн, СӨ Үөрэҕин уонна билимин министиэристибэтин бирикээһинэн “Уһуйааччы-педагог” биэдэмистибэннэй түөскэ иилинэр бэлиэни олохтоотулар.
Бу бэлиэнэн СӨ муниципальнай уонна судаарыстыбаннай уһуйааннарыгар, оскуолаларыгар, орто идэҕэ бэлэмниир уонна эбии үөрэхтээһин тэрилтэлэригэр уһуйар үлэнэн (наставническая деятельность) дьарыктанар, СӨ Үөрэҕин уонна билимин министиэристибэтин тэрээһиннэрин бигэргэммит испииһэгэр киирбит идэ маастарыстыбатын өрөспүүбүлүкэтээҕи куонкурустарын муҥутуур кыайыылааҕын уһуйааччытынан буолар, СӨ Ил Дарханын бириэмийэтигэр сүүмэрдиир куонкуруһугар кыайыылаах педагогическай үлэһиттэр наҕараадаланаллар. Бу туһунан министиэристибэ саайтыгар суруллар.
“Уһуйааччы-педагог” түөскэ иилинэр бэлиэ тимиртэн оҥоһуллар, төгүрүк быһыылаах, кытыытыгар «Министерство образования и науки Республики Саха (Якутия)» диэн суруктаах уонна СӨ Судаарыстыбаннай былааҕын бэлиэтиир үс араас өҥнөөх дьураалаах. Ортотугар уһуйааччыны уонна уһуйуллааччыны бэлиэтиир арыллыбыт кинигэ ойууланар. Аллара өттүгэр «Педагог — наставник» диэн суруктаах.
Санатан эттэххэ, “Уһуйааччы-педагог” түөскэ иилинэр бэлиэ дойдуга быйыл биллэриллибит Педагог уонна уһуйааччы сылын кытта ситимнээх.
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…