Хаартыска- Анастасия Заболоцкая тиксэриитэ.
Уһуйааччылар сүбэлэрэ Улуу Кыайыы 80 сылыгар анаан тэрийэн ыыппыт үлэлэрин бу күннэргэ Намҥа Хамаҕаттаҕа сүрэхтиир дьоһун тэрээһиннэрэ буолан ааста.
Уһуйааччылар сүбэлэрин чилиэнэ Альбина Петрова дьоро күн туһунан бу курдук сырдатта:
— Уопсастыбаннай тэрилтэ «быйылгы суолталаах сылга туох үтүө дьыаланы оҥоробут?» диэн боппуруоһу көтөҕөн, Аҕа дойду Улуу сэриитигэр дойдуларын көмүскүү уоттаах сэриигэ барбыт аҕаларын, эһээлэрин үтүө ааттарын үйэтитэр сыалтан, кинилэр оҕолорун, сиэннэрин, аймахтарын көмөтүнэн видеохроника устарга былааннаммыттара уонна тохсунньу 28 күнүттэн саҕалаан, олунньу ыйы быһа устууну ыыппыттара. Кинилэргэ бу үтүө дьыаланы олоххо киллэрэргэ ”Хатыҥчаан” студия үлэһитэ Лена Колпашникова ис санаатыттан көмөлөһөргө сөбүлэспитэ.
Киинэҕэ барыта 42 сэрии бэтэрээнин туһунан ахтыы киирдэ. Онно 65 киһи — бэтэрээннэр оҕолоро, сиэннэрэ, аймахтара уһулуннулар.
Үөрүүлээх күҥҥэ нэһилиэк баһылыга Евгений Ушницкай дириҥ ис хоһоонноох эҕэрдэ, махтал тылларын эттэ уонна сүбэ бэрэссэдээтэлигэр Анна Заровняеваҕа дьаһалта Махтал суругун туттарда. Уһуйааччылар улуустааҕы сүбэлэрин салайааччыта Анастасия Заболоцкая Хамаҕатта уһуйааччыларын сүбэтэ нэһилиэккэ киэҥ ис хоһоонноох үлэни ыытарын, улуустааҕы тэрээһиннэргэ өрүү көхтөөхтүк кыттарын бэлиэтээтэ уонна махтанна, Эҕэрдэ суругу туттарда.
Уоттаах сэриини кыайан дьоллоох олоҕу аҕалбыт сэрии кыттыылаахтарын уонна тыыл бэтэрээннэрин оҕолоро «эһээлэрбит, хос эһээлэрбит сырдык ааттарын маннык үйэтитэн хаалларар, кэнчээри ыччаттарбытыгар төрөөбүт нэһилиэктэрин, дойдуларын таптыыр буола улааталларыгар күүс-көмө буолар көлүөнэ биһиги эбиппит» диэн уйадыйа эттилэр.
Инсульт Арассыыйаҕа эрэ буолбакка, аан дойдуга барытыгар инники миэстэҕэ сылдьар ыарыынан биллэр. Невролог, гериатр-быраас Полина…
Сэтинньи ый сэтэриир тумарагын сэгэйэ тэлэн, Туймаада олохтоохторо эдэрдиин-эмэнниин Өксөкүлээх Өлөксөй аатынан Норуоттар доҕордоһууларын дьиэтин…
Уус Алдан хомус уустара уутуйан үөскээбит улууһунан биллэр. Суон сураҕырбыт талааннаах маастардары күн бүгүн хомус…
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…
Соторутааҕыта Кэбээйи улууһугар «Муҥха олоҥхото-2025» эдэр олоҥхоһуттар өрөспүүбүлүкэтээҕи бэстибээллэрэ киэҥ далааһыннаахтык ыытыллыбыта. 10 улуустан 20-чэ…
Дьокуускайга Олимпийскай чөмпүйүөн, аан дойду чөмпүйүөнэ, успуорт үтүөлээх маастара Владимир Семенович Мышкин кэллэ. Аатырбыт голкипер…