Уһуйаан дьиэтэ сууллаары гыммытын туһунан иһитиннэриинэн холуобунай дьыала тэриллибит
![](https://sakha-sire.ru/wp-content/uploads/2024/02/kebeeji-mastaah-uhujaana-900x596.jpeg)
Бу сыл олунньутугар биир уһуйааҥҥа харабыл истиэнэ хайыта барарын видеоҕа устан ыыппыта социальнай ситимнэринэн киэҥник тарҕаммыта. Сарсыныгар бу түгэн Кэбээйи улууһун Мастаах сэлиэнньэтигэр буолбута биллибитэ. Тута бэрэбиэркэ ыыппыттара, иитиллээччилэри атын дьиэҕэ сылдьалларыгар көһөрбүттэрэ.
Кэбээйи улууһун Борокуратуурата Мастаах сэлиэнньэтигэр баар 17-с нүөмэрдээх “Чуораанчык” уһуйаан дьиэтин эркинэ хайыта барбытынан бэрэбиэркэ ыыппыт.
“Эбийиэк II Лүүчүн нэһилиэгин, Кэбээйи улууһун дьаһалталара уонна “Саха-Дом-Строй” ХЭУо икки ардыларыгар түһэрсиллибит муниципальнай хантараагынан, “Саха сирэ XXI үйэҕэ” өрөспүүбүлүкэтээҕи үтүө дьыала хамсааһын иитинэн үлэҕэ киирбит.
Кэлин өрүттэр толоруллубут үлэнэн тутуу аактатыгар илии баттаабыттар, 2017 сыл балаҕан ыйын 14 күнүгэр 50 миэстэлээх уһуйаан үлэҕэ киирбит.
Борокуратуура бэрэбиэркэ ыытыытын түмүгэр, бэдэрээтчит уһуйаан дьиэтин акылаатын бырайыак-симиэтэ докумуонуттан туораан туран, монолитнай бетоннай акылаат оннугар тимир турбанан оҥорбута быһаарылынна”, — диэн өрөспүүбүлүкэ Борокуратууратын пресс-сулууспата иһитиннэрэр. Бэрэбиэркэ түмүгүнэн РФ Холуобунай кодексын 286 ыст. 3 ч. “в” п. холуобунай дьыала тэриллибит.
Сообщить об опечатке
Текст, который будет отправлен нашим редакторам: