Уһуйаан оҕолоро барымыахтарын сөп дуо?

Бүгүн Дьокуускай куоракка тымныынан сибээстээн 1-5 кылаас оҕолоро үөрэммэттэр. Онтон уһуйаан оҕолоро?

Дьокуускай куораттааҕы үөрэх управлениета: “2025 сыл ахсынньы 12 күнүгэр 1-5 кылаас үөрэнээччилэригэр актированнай күн биллэрилиннэ. Уһуйааннар бары штатнай эрэсииминэн үлэлииллэр. Оскуола иннинээҕи үөрэх тэрилтэтин ытыктанар төрүөтэ суох көтүттэххэ толору төлөнүллэр. Федеральнай сокуонунан уһуйаан саастаах оҕону оскуола саастаах убайдарын, эдьиийдэрин көрүүлэригэр хаалларыы, оҕону көрүүтэ-харайыыта суох хаалларыы буоларын санатабыт” – диэн телеграм-ханаалларыгар суруйаллар.

Оскуола оҕолоро актированнай күҥҥэ успуорт сиэксийэтигэр бараллар дуо диэн ыйытыыга: «Актированнай күн биллэрилиннэҕинэ (кылааһынан), бу быраабыла эбии үөрэхтээһин дьарыгар барытыгар сыһыаннаах — успуорт сиэксийэтигэр, уус-уран куруһуокка эбэтэр атын сайыннарар дьарыкка» — диэн быһааран суруйаллар.