Юлиана Аввакумова хаартыскаҕа түһэриитэ
Горнай улууһугар Атамайга «Радуга» уһуйааҥҥа Улуу Кыайыы 80 сылынан тэрээһиннэр ыытыллаллар.
Ол курдук, уһуйааҥҥа тохсунньу 20 күнүттэн саҕалаан бөлөхтөр икки ардыларыгар патриотическай эйгэни тэрийиигэ, бөлөхтөрүн иһин киэргэтиигэ, тупсарыыга күрэхтэһии буолан ааста.
Күрэхтэһии уһуйаан сэбиэдиссэйэ Диана Федорова, уопуттаах үлэһит, иитээччи Раиса Иванова көҕүлээһиннэринэн ыытылынна. Арассыыйаҕа Аҕа дойдуну, Саха сиригэр Ийэ дойдуну көмүскээччилэр, улууспутугар Инфраструктураны сайыннарыы сылларыгар ананна.
Маныаха бөлөх иитиллээччилэрэ, төрөппүттэр бары олус кыһаллан, болҕомтолорун ууран туран үлэлэспиттэрэ хайҕаллаах. Кырачааннарга билиини биэрэр, сайыннарар сыаллаах тэриллибит тэрээһин сыл устата салҕаныа, көрдөрөр-иһитиннэрэр матырыйааллара кэҥэтиллэ туруо.
Тэрээһиҥҥэ «Чуораанчык» бөлөх «Звезда» хамаандата стройдаан хаамыыга үчүгэй бэлэмнээҕин көрдөрдө (иитээччи Елена Иванова, физрук Августина Варламова, Юлиана Аввакумова). Күрэхтэһиини уһуйаан сэбиэдиссэйэ Диана Федорова бэрэссэдээтэллээх дьүүллүүр сүбэ көрдө. Күрэхтэһиини Атамай баһылыга Айсен Павлов, баһылыгы солбуйааччы Татьяна Алексеева,
нэһилиэк бибилэтиэкэрэ Елизавета Ефремова, оскуола историяҕа учуутала Акулина Филиппова сыаналаатылар.
Түмүккэ 1 миэстэни «Мичээр» бөлөх (Александр Максимов, Юлиана Аввакумова), 2 миэстэни «Чуораанчык» бөлөх (Елена Иванова), 3 миэстэни «Ньургуьун» бөлөх (Татьяна Яковлева, Фекла Егорова) ыллылар. Уһуйаан кэлэктиибэ күүс-көмө, сүбэ-ама буолбут дьонноругар: Винокурова М.Н., Винокурова Н.Д., Данилова Э.Л., Иванова С.И., Яковлева В.В. махтаннылар. Бары кыттааччыларга грамоталар, сыаналаах бириистэр туттарылыннылар.
Раиса Иванова — Арылыйа,
Атамай, Горнай.
Юлиана Аввакумова хаартыскаларга түһэриитэ
Ньидьили үөрэххэ уонна култуураҕа үлэһиттэрэ Сайылыкка тиийэн, эһиилги Олоҥхо ыһыаҕар бэлэмнэнэр мунньахха сырыттыбыт. [gallery ids="193782,193783,193784,193785"]…
Мэҥэ Хаҥалас улууһун борокуратуурата Аллараа Бэстээххэ баар реабилитация уонна спортивнай мэдиссиинэ киинин Абалаахтааҕы салаатыгар бэрэбиэркэ…
Өлүөнэ очуостара Саха сирин биир баар-суох кэрэ көстүүлээх, хатыламмат ураты айылҕалаах кэрэ-бэлиэ миэстэтинэн буолар. Кэнники…
Валерий Габышев алмааһы хостуур бырамыысыланнаска олоҕун 30 сылын анаата уонна биһиэхэ үтүө үлэһит, олоххо дьулуур…
Бу 1990 сыллаахха этэ. Сир ийэ барахсан сайыҥҥы симэҕин кэтэн, олус киэркэйэн турар кэмэ. Хонуу…
2025 сыл саҕаланыаҕыттан улуустарга уонна Дьокуускай таһыгар көрүүтэ-истиитэ суох бэйдиэ сылдьар 718 ыты туппуттар. Дьокуускайга…