Хаартыска: Уус Алдан улууһун дьаһалтатын телеграм-ханаалыттан.
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар. Баһаар тахсыытынан үөрэх уонна билим министиэристибэтэ официальнай комментарий суруйда.
— Олунньу 4 күнүгэр Уус Алдан улууһун Танда сэлиэнньэтин уһуйаанын үс дьиэтиттэн биирдэстэригэр, 1984 сыллаахха тутуллубут иккис дьиэҕэ баһаар буолла. Уот турар кэмигэр оҕо да, үлэһит даҕаны дьиэҕэ суохтара, дьон эмсэҕэлээбэтэ.
26 иитиллээччи уһуйаан атын дьиэтигэр сылдьыахтара. Атын дьиэҕэ турбут астыыр блок уонна таҥас сууйар хос эрэсиим быһыытынан салгыы үлэлииллэр.
Тандаҕа СӨ бэрэссэдээтэлин бастакы солбуйааччы баһылыктаах ыксаллаах быһыыны-майгыны туоратар хамыыһыйа үлэлиир. Үөрэх уонна билим министиэристибэтэ Арассыыйатааҕы ЫБММ Саха сиринээҕи сүрүн управлениетын, Уус Алдан улууһун, үөрэх управлениетын кытта баһаар содулун туоратыыга, төрүөтүн быһаарыыга уонна оскуола иннинээҕи үөрэхтээһин тохтоло суох үлэлиирин хааччыйарга ыкса ситимнээх үлэни тэрийдэ.
Үөскээбит боппуруостары суһаллык быһаарар уонна хоромньуну суоттуур соруктаах оробуочай бөлөх тэрилиннэ”– диэн иһитиннэрэр.
Саха Өрөспүүбүлүкэтин судаарыстыбаннай былааһын толорор уорганнарын 2025 сыллааҕы үлэлэрин түмүгүн туһунан ОТЧУОТ Аан тыл…
Москва мээрэ Сергей Семенович Собянины кытта көрсүбүтүн туһунан Ил Дархан Айсен Николаев МАХ ханаалыгар суруйда.…
Усуйаана улууһун Усуйаана нэһилиэгэр ааспыт нэдиэлэ бүтүүтэ “Тоҥ балык” күрэх буолан ааста. Хоту дьон мааны…
Бүгүн, олунньу 4 күнүгэр, 11:42 чааска баһаарынай-быыһыыр сулууспаҕа Дьокуускай куоракка, Бүлүүлүүр суол 6 км. баар…
Бу нэдиэлэҕэ Саха сириттэн байыаннай дьайыы ыытыллар сиригэр Аҕа дойдуну көмүскээччи күнүгэр аналлаах бырааһынньыктааҕы ас-үөл…
СӨ Ленскэй оройуонун суутунан олохтоох дьахтар РФ ХК 322.1 ыст 1 ч. Арассыыйа Федерациятыгар тас…