Уһук Хоту сиргэ көрүллэр эбии төлөбүрдэргэ НДФЛ үрдээбэт

Билэрбит курдук, Арассыыйаҕа түһээн саҥа тиһигэ быйыл ылыллыахтаах.  Бэрэсидьиэн Владимир Путин Саха сиригэр күнүнэн да кэлэн аастар, Уһук Хоту сир олохтоохторугар сыһыаннаах улахан быһаарыныыны ылынан ааспыт.

“Российская газета” суруйарынан, Госдуума бэрэссэдээтэлэ Вячеслав Володин: “Бэрэсидьиэн сорудаҕынан, Уһук Хоту сир оройуоннарыгар, онно тэҥнэммит сирдэргэ, сөбө суох уонна ураты климатическай, экологическай усулуобуйалаах эрэгийиэннэргэ олорор дьоҥҥо көрүллэр эбии төлөбүрдэргэ, надбавкаларга НДФЛ үрдүө суоҕа. Бу биһиги Бэрэсидьиэммит Владимир Путин быһаарыныыта. Госдуума дьокутааттара сөптөөх көннөрүүнү бэлэмнээн баран ылыннылар”, — диэн иһитиннэрбит.