Хаартыскаҕа Ольга Пестерева түһэриитэ.
«Дальний Восток – Земля приключений» куонкурс III сезонун алта ыйын түмүгүнэн дьүүллүүр сүбэҕэ 506 киинэ киирдэ.
Бу туһунан бырайыак көҕүлээччитэ, РФ Бырабыыталыстыбатын Бэрэссэдээтэлэнин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев кэпсээтэ, диэн СӨ Баһылыгын уонна Бырабыыталыстыбатын пресс-сулууспата иһитиннэрэр. Саха сириттэн 11 киинэ киирбит.
РФ Бырабыыталыстыбатын Бэрэссэдээтэлэнин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев куонкуруска ыытыллыбыт киинэлэр көмөлөрүнэн хас биирдии киһи Уһук Илин сиринэн долгутуулаах айаннарын көрөр кыахтааҕын бэлиэтээтэ.
«Биһиги төһө кыалларынан элбэх киһи Уһук Илин сирэ-уота кэрэтин кэлэн көрүөн, Сахалиҥҥа, Саха сиригэр, Магадан уобалаһыгар уонна эрэгийиэн атын да өттүгэр айаннаан суолу тэлэллэрин эбэтэр туристическай маршруттары тэрийэллэрин баҕарабыт. Ол туһугар «Дальний Восток – Земля приключений» диэн куонкурус тэрилиннэ», – диэтэ Юрий Трутнев.
Куонкурус түөрт сүрүн категориянан ыытыллар: сатыы сырыы, уунан, кыһыҥҥы уонна арктическай айан. Эбии анал номинациялар көрүллэллэр: «Кыайыы суолунан» уонна «Чукотканан бастыҥ айан». Куонкурус сүрүн бирииһэ – бастыҥ видео иһин үс мөлүйүөн солкуобай.
Сиһилии: https://www.sakha.gov.ru/news/15839
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…