Арассыыйа үпкэ министиэристибэтэ Уһук Илиннээҕи уонна Арктикатааҕы ипотека усулуобуйатын уларытта. Дьэ, туох уларытыылары киллэрбиттэрий?
Чэпчэтиилээх ипотеканан 2024 сыл тохсунньу 1 күнүн кэнниттэн төрөөбүт үһүс уонна онтон кэлэр оҕолоох дьиэ кэргэттэр туһанар бырааптаахтар. Төрөппүттэр саастарынан хааччахтаах — 36-гар диэри саастаах буолуохтаахтара. Билигин маннык усулуобуйаҕа хапсар төрөппүттэргэ саастарынан хааччах суох буолла.
Маны тэҥэ, чэпчэтиилээх ипотеканан саҥа тутуллар дьиэлэргэ эрэ буолбакка, тутуллубуттара 20 сыл буола илик дьиэлэргэ кыбартыыралары атыылаһар көҥүллэннэ. Дьиэ хаарбаҕынан билиниллибит буолуо суохтаах. Ол эрээри, хааччахтаах — элбэх кыбартыыралаах дьиэлэр тутуллубат куораттарыгар эрэ ити кыаллар кыахтаах. Эбэтэр, тутулла турар элбэх кыбартыыралаах дьиэ ахсаана иккиттэн элбэх буолуо суохтаах. Ол аата, Дьокуускайга кыаллыбат эбит.
Уһук Илин ипотекатын учууталлар эрэ буолбакка, үөрэх тэрилтэлэрин бары үлэһиттэрэ ылар кыахтаннылар. Кинилэргэ саастарынан, дуоһунаһынан, дьиэ кэргэҥҥэ балаһыанньатынан хааччахтааһын суох.
Уһук Илин ипотекатын усулуобуйатыгар уларытыылар Илиҥҥи экэнэмиичэскэй пуорум түмүгүнэн, бэрэсидьиэн сорудаҕын толоруу чэрчитинэн, киллэрилиннилэр.