Уһук Илин байыастарга көмөлөһөр
![](https://sakha-sire.ru/wp-content/uploads/2023/12/2a752d04755898f1c9de5219ced89bdc8f536db9-1060x596.webp)
Байыаннай дьайыы инники кирбиитигэр бэрэсидьиэн Уһук Илиҥҥэ боломучуйалаах бэрэстэбиитэлэ Юрий Трутнев сорудаҕынан, араас мал-сал, ол иһигэр «Патриотическая» ТОР бородууксуйата, тырааныспар тиэрдиллэ турар.
![](https://sakha-sire.ru/wp-content/uploads/2023/12/0f24f337ad1ff1618d3756d066b50cf82c6041bd.webp)
Илиҥҥи байыаннай уокуруктан сэби-сэбиргэли Донбасска тиийбит байыаннай сулууспалаахтар, быстах хомуурга ыҥырыллыбыттар, баҕа өттүнэн барбыт байыастар, «Каскад» оперативнай-бойобуой бөлөх байыастара, о.д.а. туттулар.
Ол курдук, снайперскай комплекстар, пилота суох көтөр эттиктэри булар радиоразведка тэриллэрэ, Саха сиригэр оҥоһуллубут «Камикадзе» дроннар, тепловизордар, хараҥаҕа көрдөрөр прибордар, прицеллар, бронежилеттэр, шлемнар, эмтэр, о.д.а. тиксэрилиннилэр.
Ону тэҥэ, чэпчэки куйахтаах массыыналары, сахалар оҥорбут «ЯКТ-СОКОЛ» хаарынан-бадараанынан сылдьар тырааныспардары тиэртилэр.
![](https://sakha-sire.ru/wp-content/uploads/2023/12/fd0a3af377b6ca2f236cd663f31645eb3f4f8602.jpeg)
— Биһиги сүрүн сорукпут — байыаннай дьайыыга кыайыы. Байыастары аныгы тиэхиньикэнэн, анал тэриллэринэн хааччыйыахха наада. Ол туһугар оҥорон таһаарыыны кэҥэтиэххэ, саҥа технологиялары киллэриэххэ наада. Бу үлэни кэҥэтэр туһуттан, «Патриотическая» ТОР тэриллибитэ. Онон Уһук Илиҥҥэ квадроцикллары, баггилары, пилота суох көтөр тэриллэри, эмтэри, о.д.а. оҥорон таһаарар тэрилтэлэр үлэлииллэр. Бу тэрилтэлэр бородууксуйаларын фронҥа аҕала турабыт, байыастар махталларын оҥорон таһаарааччыларга тиэрдэбит, — диэн Юрий Трутнев бэлиэтээтэ.
Сообщить об опечатке
Текст, который будет отправлен нашим редакторам: