Уһук Илин бастакы симфоническай оркестрын Саха сиригэр тэрийиэхтэрэ

«Бастакы симфоническай оркестры тэрийии  муусука үөрэҕин сайдыытыгар сүрүн кылааты эрэ буолбакка, эрэгийиэннэр икки ардыларыгар култуурунай эйгэни ситимниэҕэ», – диэтэ Айсен Николаев.

Оркестрга инструменнар бөлөхтөрө: скрипка, альт, виолончель, контрабас, флейта, гобой, кларнет, фагот, тромбон, барабааннар, уо.д.а. киириэхтэрэ.

Бэлиэтээн суруйдахха, бэс ыйын 18 күнүгэр  2024 сыллаахха  Владимир Путин Муусука үрдүкү оскуолатыгар сылдьыбыта. Бу көрсүһүүгэ оскуола үөрэнээччилэрэ бастакы норуоттар икки ардыларынааҕы куонкурус-бэстибээл  «Симфония добра» туһунан кэпсээбиттэрэ.

«Симфония добра» бэстибээл  1,2 тыһ. тахса кыттааччыны түмүөҕэ.  Арассыыйаттан, Кытайтан, Монголияттан, Казахстантан кэлиэхтэрэ.

Куонкурус тэрийээччилэринэн В.А. Босиков аатынан Муусука үрдүкү оскуолата, Уһук Илин уонна Арктика сайдыытын министиэристибэтэ, Уһук Илин уонна Арктика сайдыытын корпорацията, СӨ Бырабыыталыстыбата, РФ муусуканы үөрэтэр тэрилтэлэр Ассоциациялара буолаллар.