Хаартыска: СӨ остуол тенниһин федерациятын пресс-сулууспатыттан
Олунньу 3-9 күннэригэр Хабаровскай куоракка остуол тенниһигэр 20-гэр диэри саастаах ыччаттар ортолоругар Уһук Илин федеральнай уокурук күрэхтэһиитэ буолан ааста.
Бу туһунан СӨ остуол тенниһин федерациятын пресс-сулууспата иһитиннэрэр. Саха сирин спортсменнара бу күрэскэ олус ситиһиилээхтик кытыннылар.
Тус бэйэ көрдөрүүтүгэр Диана Пахомова бэһис миэстэни ылан, 2026 сыл кулун тутар бүтүүтүгэр Архангельскай куоракка буолуохтаах Арассыыйа күрэхтэһиитигэр кыттар быраабы ылла. Биһиги өссө биир кыыспыт Эмилия Аввакумова алтыс миэстэҕэ таҕыста.
Уолаттар пааранан күрэхтэһиилэригэр Владимир Печкуров уонна Арсен Аржаков үһүс үктэлгэ тахсаннар, күрэхтэһии боруонса мэтээлинэн наҕараадаланнылар.
Бу ситиһии тириэньэрдэр биир кэлим уонна сыаллаах үлэлэрин түмүгэ. Сүрүн тириэньэр Василий Иванович Румянцев салайааччылаах хамаанда бэлэмэ үрдүгүн, кыайыыга дьулуурдааҕын көрдөрдө.
Билигин спортсменнарбытын Арассыыйа таһымыгар күрэхтэһии күүтэр. Онно кинилэр төрөөбүт өрөспүүбүлүкэлэрин аатын чиэстээхтик көмүскүөхтэрэ.
Хаартыска: СӨ остуол тенниһин федерациятын пресс-сулууспатыттан.
2026 сылга Саха сиригэр ойууру баһаартан харыстааһыҥҥа 5,5 млрд тахса солкуобайы ыытыахтара диэн СӨ Ил…
Давид Винокуров салайааччылаах Уус Алдан улууһун “Найахы” ТХПК 100 төбөҕө аналлаах саҥа хотоно үөрүүлээх быһыыга-майгыга…
Горнай улууһун Атамай нэһилиэгэр өрөспүүбүлүкэ дьоҕус нэһилиэктэрин икки ардыларыгар 12 төгүлүн ыытыллар волейбол күрэхтэһиитэ үрдүк…
Мииринэй куоракка олус ыарахан буруйу оҥорбут киһини сууттаатылар. Бу буруйу оҥоруу түмүгэр кини ойоҕо өлбүт…
Бырабыыталыстыба отчуотугар Хатыстыыр олохтоохторо сири-уоту сайыннарыы, тупсарыы боппуруостарын дьүүллэстилэр. Алдан оройуонугар Хатыстыырга СӨ Бырабыыталыстыбатын отчуота…
Оҕо сөбүлүүр дьарыгар төрөппүт сыһыана эмиэ оруоллаах буоллаҕына, ситиһии, табыллыы, кыайыы барыта кэлэр. Ити чаҕылхай…