Хаартыска: Уһук Илиҥҥэ РФ Бэрэсидьиэнин полпредын официальнай саайта.
Бэҕэһээ Уһук Илиҥҥи федеральнай уокурукка Бэрэсидьиэн боломуочуйалаах бэрэстэбиитэлин Сэбиэтин чилиэннэрэ, ол иһигэр УИФУо күбүрүнээтэрдэрэ кыттыылаах байыаннай-полевой сэминээр буолла.
Кинилэр быыстарыгар Саха сирин бырабыыталыстыбатын бэрэссэдээтэлинэн үлэлээбит, билигин Камчатка күбүрүнээтэрэ Владимир Солодов баар.
— Саха сиригэр байыаннай дьайыы кыттыылаахтарыгар туох көмө оҥоһулларын, полигоҥҥа туох инфраструктура баарын көрө, уопут атастаһа кэллим. Биһиги Камчаткаҕа эмиэ маннык полигону тута сылдьабыт. Бүгүн ырааҕы ытыыга холонон көрүөхпүт. Бу спортивнай күрэхтэһии эрэ буолбакка, биһиги уолаттарбыт хайдах усулуобуйаҕа сылдьалларын, бойобуой сорудахтары толороллорун иһиттэн билэр сыаллаахпыт. Маны таһынан байыаннай-полевой сэминээргэ байыаннай дьайыыга сыһыаннаах сүрүн соруктары дьүүллэстибит.
Дмитрий Демешин , Хабаровскай кыраай күбүрүнээтэрэ:
-Бүгүҥҥү сэминээргэ биһиги Сэбилэниилээх Күүстэрбитин хааччыйыы туһунан, ким бэйэтин миэстэтигэр тугу-хайдах үлэлиирин дьүүллэстибит. Биһиги полигоннары оҥоробут, нэһилиэнньэни көмүскүүргэ, өстөөҕү араас көрүҥүнэн өһөрөргө бэлэмнэнэбит. Бу бүгүҥҥү күннээҕи уопсай бойобуой үлэбит сорҕото буолар.
Саҥа киирбит территориялары өйөөһүн биир саамай наадалаах дьыалабыт буолар. Биһиги, Уһук Илиҥҥи эрэгийиэннэр, бэйэбит ыккардыбытыгар ким тугу ыларын үллэстэн турабыт. Хабаровскай кыраайга Дебальцево куорат тиксибитэ, элбэҕи көмөлөстүбүт. Быйыл суолларын оҥордубут, өстөөх аракыатата үлтү тэппит бассейнын үлэҕэ киллэрдибит, подстацияны, хочуолунайдары, о.д.а. оҥордубут.
Василий Орлов, Амурскай уобалас күбүрүнээтэрэ:
-Биһиэхэ полигон баар, онно чаастатык сылдьааччыбын. Ол эрээри маннааҕы полигон саамай аныгы оборудованиенан оҥоһуллубут буолан, квалификацияны ааһарбар 600 м дистанцияны ыарырҕата сыстым. Табарын таптым.
Саҥа киирбит территорияларга төрдүс сылын үлэлэһэбит. Быйыл хас да эбийиэги үлэҕэ киллэрдибит. Бэйэбит шефтээх куораппытыгар Амвросиевкаҕа киин былаһааккаларын фонтаннаан, тупсаҕай гына саҥардан оҥордубут. Эбии бэйэбит көрдөөн ылан, бааһырбыт уолаттар эмтэнэр реабилитационнай кииннэрин өрөмүөннээтибит. Икки этээстээх куорпуска билигин өссө эбии уонунан байыас эмтэнэр кыахтаныаҕа. Бу быйылгы 18 тэрээһинтэн иккитин эрэ эттим. ДНӨ баһылыга Денис Пушилины кытта 3 сыллаах бырагырааманы оҥордубут. Бэйэм байыаннай дьайыы зонатыгар куруук сылдьабын, бу эмиэ барыахтаахпын.
Владислав Кузнецов, Чукотка аптаныамыйалаах уокуругун күбүрүнээтэрэ:
Сэминээргэ шефтээх территорияларбытыгар туох үлэ барарын кэпсэттибит. Биһиги шефтээх сирбит Новолуганскай бөһүөлэк, байыаннай дьайыылар буола турар сирдэриттэн ырааҕа суох. Икки сыллааҕыта аан бастаан тиийбиппитигэр биир да бүтүн дьиэ ордубатах этэ. Уу ситимэ бүтүннүү урусхалламмыт, уот суоҕа, дьоннор бадыбаалга олороллоро. Билигин уот, уу, ититии баар. Дьиэлэр сарайдарын өрөмүөннүүбүт, билигин да өстөөх ытарын тохтоппот. Быйыл хас да буомба кэлэн түспүтэ эрээри олохтоохтор кэлэ тураллар. Тоҕог диэтэххэ, инфраструктура баар. Биһиги сыалбыт-сорукпут – дьоннор дьиэлэригэр төннөн кэллиннэр диэн.
Манна даҕатан эттэххэ, Владислав Кузнецов күбүрүнээтэрдэр ырааҕы ытыыга күрэхтэһиилэригэр үһүс миэстэни ылбыта.
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…