Хаартыска: www.sakha.gov.ru
Үөрэнээччилэр пуорумнара М.И.Рудомино аатынан тас дойду литэрэтиирэтин судаарыстыбаннай бибилэтиэкэтигэр саҕаланна. Москва, Подмосковье уонна Арассыыйа атын субъектарын 10-11-с кылааһын үөрэнээччилэрэ нэдиэлэ устата Уһук Илин федеральнай уокурук туһунан билсиэхтэрэ. Тэрээһин “Москваҕа Уһук Илин эрэгийиэннэрин күннэрэ-2024” бэстибээл чэрчитинэн ыытыллар.
Суруналыыс, Судаарыстыбаннай Дуума дьокутаата Евгений Попов этэринэн, Арассыыйаҕа ураты күүс икки киинэ баар бу – Владивосток уонна Москва, бу икки эрэгийиэн ураты кыаҕы биэрэллэр. Евгений Георгиевич үөрэнээччилэр пуорумнарыгар тыл этиитин кэннэ санаатын үллэһиннэ: “Оҕолор харахтара уоттанан олорор, идэни талыы тиэмэтин көхтөөхтүк сэҥээрэллэр. Табыллар кыаҕы барытын көрдөрөр ирдэнэр. Элбэх дьон олус ыраах дии саныыр дойдубут суолталаах чааһын туһунан кэпсиир буолан, бу тэрээһин туһата тугунан да сыаналаммат. Мин санаабар, сүрүн сорук – үөрэнээччилэр талар кыахтаахтарын өйдүүллэригэр көмөлөһүү. Уһук Илин үрдүк үөрэҕин кыһалара чахчы киэҥ хайысхалаах идэлэргэ үөрэтэллэр. Манна ихтиология, океанология, ракета оҥоруута уонна ракета инженерията курдук хайысхалары үөрэтиэххэ сөп. Бу исписээлинэстэр ыччакка сөҕүмэр кэскили арыйаллар, хас биирдии Уһук Илиҥҥэ кэлбит киһи бэйэтин миэстэтин буларыгар эрэллээхпин”.
Эрэгийиэҥҥэ социальнай-экэнэмиичэскэй балаһыанньа тупсуутугар туһаайыллыбыт судаарыстыбаннай бэлиитикэ ыытар сыаллаах-соруктаах соругун түмүгэр, Уһук Илин кэлиҥҥи сылларга олус күүскэ сайынна.
“Уһук Илин олус тэтимнээхтик сайдар. Мин Владивостокка сэттэ сыл сылдьыбакка гынан баран тиийбитим итиэннэ бэйэм төрөөбүт куораппын билбэтэҕим. Инникигэ хардыы баара көстөр: урут уу аннынааҕы суудунаны эрбиир тэрилтэлэр билигин танкердары, сөмөлүөттэри оҥороллор. Уһук Илини инвестициялааһын төттөрү төннүөҕэ, оттон Уһук Илин олохтоохторугар аналлаах 2 % ипэтиэкэ бырагыраамата дьоҥҥо саҥа кыаҕы биэрэр. РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокуругун боломуочуйалаах бэрэстэбиитэлэ Юрий Трутнев уонна Уһук Илини сайыннарыыга үлэлэһэр бары тутуллар идиэйэлэрэ түргэнник олоххо киирэллэр”, – диэн Евгений Попов бэлиэтиир.
Ил Дархан уонна Бырабыыталыстыба пресс-сулууспата.
Дьокуускай куорат ДСК оройуонун олохтоохторо оптуобус маршруттара уларыйбытыттан айманаллар. Айманаллара да оруннаах. Олохсуйбут маршруттар кыстыгы…
Билигин кыбартыыраҕа, массыынаҕа, сир учаастагар түһээн төлөбүрэ кэлбитинэн, түөкүттэр саҥа схеманы толкуйдаабыттар. “Госуслугаҕа” тус кэбиниэккэр…
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар. Бу тэрээһин олохтоох…
Таҥас кэллэ да ким иллэҥнээҕинэн муста түһээт, тикпитинэн бараллар. [gallery ids="167582,167583,167584,167585,167586,167587,167588,167590,167591"] Байыаннай дьайыыга сылдьар буойуннарга…
ТХНЧИ научнай үлэһитэ, биология наукатын кандидата Терентий Платонов: “Убаһа этигэр киһиэхэ сыстар паразит суох буоллаҕына,…
Анемодист Софронов-Алампа төрөөбүт күнүгэр "Алампа'' бириэмийэни туттарыы сиэрэ-туома алтыс төгүлүн ыытылынна. Дьоро киэһэ Саха тыйаатырын…