Уһук Илин федеральнай уокурук сэбиэтигэр “Воин” киин үлэтин ырытыахтара

Бүгүн, ыам ыйын 28 күнүгэр, Хабаровскайга РФ Бырабыыталыстыбатын Бэрэссэдээтэлин солбуйааччы — Уһук Илиҥҥэ РФ Бэрэсидьиэнин боломуочунайа Юрий Трутнев бэрэссэдээтэллээх Уһук Илин федеральнай уокурук сэбиэтэ буолуоҕа. Уһук Илин бары губернатордарын сэргэ Ил Дархан Айсен Николаев кыттыаҕа.

Бэбиэскэҕэ сүрүн боппуруостартан биирдэстэринэн – “ВОИН” эрэгийиэннээҕи киин үлэтэ. Ону тэҥэ көрсүһүү иитинэн Дьокуускайга “Путь ВОИНа” Бүтүн Арассыыйатааҕы турниры ыытыыны ырытыһыахтара.

Маныаха ханыылыы көрүҥү “Тропа воина” байыаннай-тактическай оонньуу иитинэн “ВОИН” Хабаровскайдааҕы филиалын киинин курсааннара боруобалаан көрбүттэрэ.

“Уолаттар харахтара умайбыта, олус сэргээбиттэрэ. Туруоруллубут соругу көхтөөхтүк толорбуттара. Биһиги “ВОИН” киин инструктордарын уонна үөрэнээччилэрин икки ардыларыгар күрэхтэһиини ыытар инниттэн көрүҥүн түмүөхпүтүн баҕарабыт. Бу туохха наада? Таһымнара үрдүүрүн туһугар. Оҕолор ханна күүстээхтэрин уонна туохха үөрэнэллэрэ ирдэнэрин билэллэрин туһугар. Бу курдук күрэхтэһии көрүҥүн биһиги быйыл саҕалыахпыт. Көрүҥүн анал байыаннай дьайыы кыттыылаахтары, Арассыыйа Дьоруойдарын кытта оҥоро сылдьабыт” – диэн Юрий Трутнев эттэ.

Бу туһунан Ил Дархан уонна Бырабыыталыстыба пресс-сулууспата иһитиннэрэр.