Хаартыска: sakhagov.ru
Дьокуускайга Саввиновтар дьиэ кэргэттэрэ Арассыыйа Бэрэсидьиэнэ Владимир Путин өйөбүлүнэн 2016 сылтан олоххо киирэр Уһук Илин гектаарын бырагырааматын көмөтүнэн, Тукулааннар чугастарыгар ураты туристическай бырайыагы олоххо киллэрдилэр.
Хаҥалас улууһун Булгунньахтаах нэһилиэгин аттынааҕы сир учаастагын биэс сыл устата босхо туһанан, Саввиновтар дьиэ кэргэттэрэ хас даҕаны ыалдьыттыыр дьиэни тутан, сири-уоту тупсаран, туристическай маршруттары оҥордулар. Сири ситиһиилээхтик баһылаан, бырайыак бастакы түһүмэҕин түмүктээбиттэрин кэннэ, учаастак бас билиигэ регистрацияламмыта, салгыы сайдыыга бигэ тирэх буолбута.
“Манна өрүс дьикти кэрэ көстүүтэ, суол уонна уот баар, айылҕаҕа сылдьан чуумпуруу бу сири чахчы ураты оҥорор. Биһиги учаастакпыт Хаҥалас Булгунньахтааҕын аттыгар баар, оттон өрүс уҥуор улахан кумах тукулааннар бааллар — бу олус ураты уонна кэрэ көстүүлээх. Арассыыйа бэрэсидьиэнин көҕүлээһининэн олоххо киирбит федеральнай бырагыраамаҕа ис сүрэхпититтэн махтанабыт», — диир Михаил Саввинов.
Туристическай база төгүрүк сыл үлэлиир: тымныы кэмҥэ айанньыттары сылаас дьиэлэригэр көрсөллөр, оттон сайыҥҥы кэмҥэ ыалдьыттары глэмпинг балаакаларга олохтууллар. Бары эбийиэктэр бэйэ-бэйэлэриттэн тэйиччи сыталлар, онон хас биирдии турист тулалыыр айылҕаны кытта чуумпуга сынньанар, өрүскэ балыктыыр.
«Ыалдьыттарбытыгар анаан экскурсиялары, экологическай ыллыктары бэлэмнээтибит. Сайынын өлүөнэ устун устабыт, Күрүлүүрү, арыылары көрөбүт. Мантан ырааҕа суох Өлүөнэ очуостара, Булуус, Туруук Хайа, Буотама заповеднига уонна бизонариум бааллар – өрүс уҥуор чугас бааллар. — диэн кэпсээтэ Михаил.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…