Хаартыска: созданонадв.рф
Уһук Илин гектар сиригэр урбаан креативнай барйыактарын олоххо киллэриигэ аналлаах дьыалабыай сиэссийэҕэ “Инновация уонна урутаан быһаарар национальнай киин” тэрилтэ бырабылыанньатын бэрэссэдээтэлэ Георгий Бурлаков модератордаата.
Өрөспүүбүлүкэ норуоттар икки ардыларынааҕы уонна тас экэниэмикэ сибээһин миниистирэ Павел Багынанов “Уһук Илин гектар” бырагыраама ирдэнэрин туһунан кэпсээтэ. Өрөспүүбүлүкэ Уһук Илиҥҥэ сайаапканы биэрии ахсаанынан биир бастыҥынан буолар: 2016 сылтан 46 тыһ. тахса сайаапка бэриллибит, итинтэн 10 тыһ. тахса номнуо бас билиигэ оҥоһуллубут. Сири туһаныы сүрүн хайысхата – тыа хаһаайыстыбата, бултааһын уонна балыктааһын, туризм уонна кэтэх хаһаайыстыбаны тэринии.
Ону тэҥэ, министиэристибэ дьоҥҥо бырагыраама кыахтарын туһунан көхтөөхтүк иһитиннэрэрин Багынанов бэлиэтиир. Үөрэҕи ааспыт исписэлиистэр “Уһук Илин гектар” саайтка баҕалаах дьоҥҥо сайаапканы толорууга көмөлөһөллөр. Төлөбүрдээх өҥөнү оҥорор риелтордар баалларын да иһин, былаас элбэх көрүҥнээх кииннэргэ эбэтэр “Судаарыстыбаннай өҥө” порталын нөҥүө сайаапканы дьон бэйэтэ ыытарыгар сүбэлииллэр.
Урбаан, атыы уонна туризм миниистирин солбуйааччы Мария Карпова:
“Биһиги туризмҥа маастар-былааны оҥоро сылдьабыт. Быйыл олунньуга ылыныллыбыт туризмы сайыннарыы стратегиятыгар олоҕуран, өрөспүүбүлүкэ болҕомто ууруллар биэс зонаҕа араарыллыбыта. Бу стратегияны ааҕаргытыгар сүбэлиибин. Мин бу туһунан информацияны бары ханаалларынан иһитиннэрэ сатыыбын. Холобур, эһиги Маҕараһы метрополис быһыытынан сөпкө аҕынныгыт. Бу туһунан атын кыттааччылар сиһилии кэпсиэхтэрэ дии саныыбын. Маныаха ханыылыы кэнсиэпсийэни оҥоруу улахан көдьүүстээх буолуоҕа. Хас биирдии нэһилиэккэ бренд диэн баар буолуо. Өрөспүүбүлүкэ салалтата уонна министиэристибэ биисинэһи кытта хардарыта үлэҕэ өрүү аһаҕас. Урбаанньыттар тус бэйэбэр кэлиэхтэрин уонна өйүктэрин (идея) билиһиннэриэхтэрин сөп. Биһиги ону Туризмы уонна маркетины сайыннарар ааҕыныстыбаҕа, “Мин биисинэһим” кииҥҥэ (өскөтүн урбаан буолбатах буоллаҕына) эбэтэр биһиги Инвестицияны сайыннарыыга ааҕыныстыбабытыгар ыытабыт. Биһиги кинилэр быһаарсалларыгар көмөлөһөбүт. Өскөтүн сир боппуруоһугар уустуктар үөскээтэхтэринэ, Росреестарга уонна атын сүһүөхтэргэ арыаллыыбыт” — диэтэ.
Сиэссийэ кыттыылаахтара Уһук Илин гектары туһанан урбаан бырайыактарын олоххо киллэриигэ уопуттарын үллэһиннилэр. Тыл эппиттэр ортолоругар бааллар: Приморье Шкотовскай оройуонугар “Тайга” арт-паарканы уонна “Корни. Близкий. Дальний” бэстибээли билиһиннэрбит Александр Андреев; Хаҥалас улууһугар «Ямщицкое подворье» бэстибээли тэрийээччи Лидия Яйлиян; Нам улууһугар “Собо түмэлэ” уонна “Булчут дьиэтэ” бырайыактарын ааптара Лючия Пестрякова; Хабаровскай кыраайга «Гэрбэнкэн» эбээн этнокомплексын салайааччыта Мария Алексеева.
Хас биирдии спикер ураты уопуту уонна бырайыактары олоххо киллэрии сөптөөх көрүҥнэрин билиһиннэрдэ. Кыттааччылар эрэгийиэҥҥэ креативнай экэниэмикэни сайыннарыыга биисинэс уонна былаас хардарыта үлэлэрэ суолталааҕын бэлиэтээтилэр. Бу туһунан Созданонадв.рф саайтка суруйаллар.
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …
Аллайыаха улууһун кииниттэн, Чокуурдаахтан 141 килэмиэтир тэйиччи сытар кыракый Оленегорскай нэһилиэгин олохтоохторо байыаннай дьайыыга анаан…