Хаартыска: ЯСИА
«Уһук Илиҥҥи гектар» иитинэн 41 528 сайаапка киирбит. Бу туһунан СӨ баай-дуол сыһыаннаһыытын миниистирэ Павел Багынанов иһитиннэрдэ.
Биэдэмистибэ дааннайынан, бүгүҥҥү күҥҥэ 12 032 дуогабар оҥоһуллубут.
Павел Багынанов бэлиэтииринэн, Уһук Илиҥҥи гектарга саамай киэҥник биллэр хайысханан чааһынай дьиэни туттуу буолар. Бу хайысхаҕа 3 тыһыынча кэриҥэ сир баар. Иккиһинэн, хаһаайыстыба тэриниигэ, үсүһүнэн бултуур сири тэринии улахан болҕомтону ыларын миниистир бэлиэтиир. Кини этэринэн, бу сылга сабыылаах «сиэрэй зуонаҕа» нэһилиэнньэлээх пууну арыйыахтара.
Миниистир сүрүн болҕомтону гектарга киирсээччилэр өйөбүл бары миэрэлэрин туһаныыларын бэлиэтээтэ. Сири туһаныыга үтүө холобурунан, Ньурба улууһугар гектар сирин ылан Альберт Васильев сыах тэринэн үлэлии олорорун бэлиэтээтэ.
2022 сыллаахха Васильевтар дьиэ кэргэн грант көмөтүнэн ылбыт сирдэригэр халбаһы сыаҕын оҥорбута. Бородууксуйа киэҥ сэҥээриини ылбыт.
Уһук Илин гектарынан сир ылыан баҕалаахтар надальнийвосток.рф диэн Госуслуги сайт нөҥүө «Земельный участок» диэн порталга сайаапка түһэриэхтэрин сөп.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…