Хаартыска СИА
Самбо өрөспүүбүлүкэтээҕи федерациятын бэрэсидьиэнэ Вячеслав Литавин итинник этиилээх Дьокуускайга Владимир Путин приемнайыгар сырытта. Кини билигин Саха сирин оскуола саастаах спортсменнара күрэхтэһиигэ барыыларын-кэлиилэрин барытын кэриэтэ төрөппүттэр төлүүллэрин туһунан кэпсээтэ.
“Ардыгар оҕолору турнирга арыаллыыр тириэньэр билиэтин сыанатын толуйуу дьиэ кэргэн санныгар сүктэриллэр. Ону бары кыайан уйунар буолбатахтар. Биллэрин курдук, эдэр спортсменнар үрдүк кылаастаах утарсааччыларын кытары күрэхтэһэр үөрүйэҕэ суох салгыы сайдаллара ыарахан. Оннук буолуо суохтаах. Биллэн турар, успуорт федерациялара быар куустан олорботтор, оҕолору атын эрэгийиэннэргэ күрэхтэһиигэ ыытар туһугар баар кыахтарынан спонсордары булаллар. Ол гынан баран, хас биирдии талааннаах эдэр спортсмен бэйэтин кыаҕын улахан турнирдарга көрдөрөрүгэр атын көрүҥ – систиэмэлээх, судаарыстыба булгуччулаах өйөбүллээх көрүҥ наада”, — диэтэ Вячеслав Литавин.
Кини этэринэн, эдэр атлеттар уонна кинилэр тириэньэрдэрэ Саха сирин иһигэр уонна Уһук Илиҥҥэ көтөллөрүгэр чэпчэтиилээх тариф оҕо успуорда сайдарыгар улахан көмөнөн буолуо этэ. Вячеслав Литавин күрэхтэһиилэргэ барарга чэпчэтиилээх тарифтар успуорт бары көрүҥүн бэрэстэбиитэллэригэр көрүллүөҕэр эрэнэр.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…
Хаар курдук маҥан, сымнаҕас баататтан саамай дьикти, ураты оонньуурдар былыр харыйаны киэргэтэллэрэ. Ол курдук, 30-с…
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…