Хаартыска: СИА, Мария Васильева
РФ Бэрэсидьиэнэ В. В. Путин Уһук Илин үс куораттааҕы агломерациятын маастар-былааннарын көрүүгэ сүбэ мунньаҕа түмүктэннэ. Айсен Николаев Дьокуускай маастар-былаанын билиһиннэрдэ.
Балтараа сыл устата федеральнай уорганнары кытта маны тобулбуттара.
Ол туох түмүктэннэ? 2030 сылга диэри кэлимсэ сайдыы тосхолун бэлэмниэхтэрэ. 90 эбийиэги тутууну сөбүлэһиннэрилиннэ. Ол иһигэр Өлүөнэ муостатыттан саҕалаан Ленин болуоссатын саҥардан оҥорууга тиийэ. Үрдүк үөрэх кыһаларын икки ардыларынааҕы Кампус, киинэ павильона, гостиницалар, аэропуорт терминала, куорат хаһаайыстыбатын эбийиэктэрэ. Бу өссө 12 оскуола, доруобуйа харыстабылын 10 эбийиэгэ, 18 оҕо уһуйаана, успуорт 7 эбийиэгэ, суоллары тутуу, уулуссаны сырдатыы, гаастааһын, оптуобустар уо. д. а.
Владимир Путин Өлүөнэни уонна Алданы туоратар муосталары тутууну түмүктээһин чопчу болдьоҕун быһаарарга сорудахтаата.
Магаданы кытта холбоһуктаах боппуруоспутугар “Халыма” массыына суолун ирдэбилгэ сөп түбэһиннэрии соругар турар.
2030 сылга 2023 сыл балаҕан ыйын 1 күнүгэр саахалланар уонна хаарбах туруктааҕынан билиниллибит дьиэлэртэн дьону көһөрүүнү түмүктүүргэ сорудахтанна.
Владимир Владимирович Муусука Үрдүкү оскуолатын кэнсиэригэр 20 тахса сыллааҕыта сылдьыбытын өйдүү-саныы сылдьара кэрэхсэбиллээх. 2026 сыл бүтүүтэ оҕолор мас дьиэлэртэн саҥа үөрэнэр куорпуска уонна интэринээккэ көһүөхтэрэ.
“Кэмигэр үбү-харчыны көрүөххэ уонна оҥоруохха”, — диэн Путин Арктикаҕа ВОЛС тутууга федеральнай үбүлээһини көрөргө соруйда.
"Кобяец" диэн позывнойдаах Саха сирин байыаһа эксклюзивнай интервьютун көрүҥ: https://youtu.be/0NhGRmtQMDU?si=0JJqSb7vfbD_itO1
Саха сирин олохтоохторугар элбэх кыбартыыралаах дьиэлэргэ хапытаалынай өрөмүөн туһунан кэпсиэхтэрэ. Бу туһунан быһа эпииргэ Хапытаалынай…
Хотугулуу-Илиҥҥи федеральнай университекка үөрэххэ туттарсааччылар биир кэлим эксээмэн баалыгар уонна эбии тургутуулар түмүктэригэр эрэ буолбакка,…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…