Бу сыл алтынньы 16 күнүттэн Елена и Геннадий Тимченко дьиэ кэргэттэр аһымал пуондатын «Среда возможностей» аһаҕас куонкуруһугар бырайыактарга сайаапкалары ылыы саҕаланна.
Куонкурус сыала-соруга — Уһук Илин уокурук кыра территорияларынан олорор оҕолор кыахтарын арыйыы уонна сайыннарыы буолар, ону кытта кинилэр ситиһиилээх буолууларыгар уонна сайдалларыгар ураты эйгэни тэрийиигэ тирэҕирэр. Уһук Илиҥҥи уокурукка куонкурус операторынан «СӨ Гражданскай көҕүлээһиннэри уонна социальнай хайысхалаах кэммиэрчэскэйэ суох тэрилтэлэри өйүүр биир кэлим ресурснай киин» пуондата буолар.
Куонкуруска кыттарга дьиэ кэргэн уонна оҕо социальнай хааччыйыытын тэрилтэлэрин киллэрэн туран судаарыстыбаннай уонна муниципальнай тэрилтэлэр, үөрэх кыһалара (оскуолалар, эбии үөрэхтээһин кииннэрэ, ускуустуба оскуолалара), култуура тэрилтэлэрэ (түмэллэр, бибилэтиэкэлэр, норуот айымньытын дьиэлэрэ), успуорт уонна ыччат кииннэрэ, кэллиэстэр уонна тиэхиньикумнар, түөлбэлэр (ТОС), 70 тыһ. диэри нэһилиэнньэлээх пууннарын социальнай хабааннаах кэммиэрчэскэйэ суох тэрилтэлэр (СО НКО) ыҥырыллаллар.
Кыайыылаахтар «Точка роста» номинацияларынан уһун болдьоххо 500 000 солк. уонна 2025 сыл балаҕан ыйын 30 күнүгэр диэри «Горизонты возможностей» номинацияларынан 1 мөл. солк. тус сыаллаах харчынан көмөнү, эспиэрдэр өйөбүллэрин, үөрэхтээһини уонна уопут атастаһыытын, ону тэҥэ бырайыактарын олоххо киллэрэри ситиһиэхтэрэ.
Сайаапкалары бу сыл балаҕан ыйын 16 күнүттэн сэтинньи 7 күнүгэр диэри диэри ылаллар. Сиһилии сайаапкалары биэрии усулуобуйата: https://clck.ru/3DKfpt.
«Куттала суох уонна хаачыстыбалаах суоллар» национальнай бырайыак чэрчитинэн тутуу сезона түмүктэниэр диэри Дьокуускайга 36,5 км…
Өрөспүүбүлүкэ 28 кэллиэһиттэн уонна тиэхиньикумуттан 194 устудьуон “Сыл устудьуона” Арассыыйа национальнай бириэмийэтин эрэгийиэннээҕи түһүмэҕин чэрчитинэн …
Бу күннэргэ үрдүк үөрэх кыһатын үлэһитэ уопсайа 330 тыһыынча солк. суума харчыны түөкүттэргэ албыннаппыт. Ол…
Өбүгэлэрбит эркиҥҥэ ыйанар халандаар, сөкүүндэтигэр тиийэ көрдөрөр чаһы, миллимиэтиригэр тиийэ кэмниир сантиметровка, кыраамыгар тиийэ ыйыыр…
Бэҕэһээ Харбалаахтааҕы үөрэхтээһин холбоһугун бары үөрэнээччилэрэ "Маста олорт" аахсыйаҕа кыттан, сүүһүнэн маһы олортубут. Нэһилиэк дьаһалтатын…
Алтынньы 18 күнүгэр Саха сиригэр Ийэ күнүн көрсө уонна Арассыыйаҕа Дьиэ кэргэн сылыгар Бэчээт дьиэтигэр…