“Уһук Илин – мүччүргэннээх сырыы сирэ” куонкуруска сайаапка үгүс  

“Уһук Илин – мүччүргэннээх сырыы сирэ” куонкуруска 300-тэн тахса сайаапка киирдэ.

Тэрээһин дьүүллүүр сүбэтигэр Путешественникдв.рф саайт нөҥүө 41 эрэгийиэнтэн  364 сайаапка киирдэ. Онтон 97 сайаапка (27%) — Уһук Илин эрэгийиэҥҥэ киирбэт эрэгийиэннэртэн.

Уокурук боломуочунайа Юрий Трутнев бэлиэтээбитинэн, куонкурус сүрүн соруга — Уһук Илин саамай кэрэ сирдэрин көрдөрүү. Онон кыттыан баҕалаах киһи  элбэҕэ, Уһук Илин эригийиэн дьон интэриэһин тардара олус үөрдэр.

Ордук элбэх сайаапка киирбит: Камчаткаттан (96),  Сахалинскай уобаластан (86) уонна Приморьеттан — (83). Биэс иһигэр  Хабаровскай кыраай (60), Бурятия (56) киирбиттэр. Саамай элбэх айанньыттардааҕынан Сахалинскай уобалас (43), Камчатка уонна  Хабаровскай кыраай (42-лии сайаапка) уонна Приморскай кыраай (38 сайаапка).  Төрдүс миэстэҕэ – москвичтар (28 сайаапка). 10-с миэстэҕэ — Санкт-Петербург олохтоохторо.

Тэрийэр кэмитиэккэ киирбит видеонан отчуоттарга Камчатка (17), Хабаровскай кыраай (9), Сахалинскай уобалас (7) инники күөҥҥэ иһэллэр. 4-с миэстэҕэ – Бурятия уонна Приморье таҕыстылар. Дьүүлүүр сүбэ сатыы уонна уунан айан, кыһыҥҥы сырыы (атынан, ытынан, хайыһар) көрүҥнэргэ хайытан дьүүллүүр. Бастыҥ айан ааптара  3  мөлүйүөн солкуобайынан наҕараадаланыаҕа.

Куонкурус РФ Бырабыыталыстбыатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев көҕүлээһинэн барар. Тэрээһин  түмүгүнэн Уһук Илин эрэгийиэннэринэн айанныырга 100 бастыҥ туристскай маршруттарынан интерактивнай каарта оҥоруохтара. Бастыҥ үлэлэри федеральнай уонна эрэгийиэннэрдээҕи телеханаалларга көрдөрүөхтэрэ.