«Уһук Илин — мүччүргэннээх сырыылар сирдэрэ» куонкуруска тоҕо кыттыахха сөбүй?

Хаһыс да ыйын «Уһук Илин — мүччүргэннээх сырыылар сирдэрэ» диэн бастыҥ айаҥҥа Бүтүн Арассыыйатааҕы куонкуруска кыттарга сайаапка биэрэр хампаанньа бара турар. Ахсынньы 30 күнүгэр диэри Уһук Илин устун айанныы сылдьарыҥ туһунан кылгас ролик устан,  путешественникдв.рф. саайтка ыытыаххын сөп. Онно кыттарга хас да биричиинэ баар.

Куонкуруска тоҕо кыттабын?

Үчүгэй наҕараада кэтэһэр. Бастыҥ айан иһин гран-при бирииһэ 3 мөл. солк. Сатыы/уунан/кыһыҥҥы айан иһин анал ааттарга кыайдаххына – 1 мөл. солк.; бу анал ааттарга 2 миэстэ буоллаххына – 300 тыһ. солк.; 3 миэстэ иһин 100 тыһ. солк. Чукотка АУо губернатора Владислав Кузнецов Чукотканан айан иһин 1 мөл. солк. туруорда (ону Чукотка туһунан устубут айанньыттар икки ардыларыгар оонньотоллор).

Эһиги киинэлэргитин таһаараллар

Эһиги устубут киинэҕитин тыһыынчанан дьон көрүөҕэ! Ол курдук 1-кы сезон финалистарын киинэлэрин эрэгийиэннээҕи телевидениенан, атын уокуруктар киинэ тыйаатырдарыгар көрдөрбүттэрэ. Оттон кыайыылаахтар уонна призердар киинэлэрэ федеральнай ТВ көстүбүттэрэ, “Арассыыйа” быыстапка-пуорумҥа көрдөрбүттэрэ.

Киһи барыта профессионал буолбатах

Куонкуруска уопуттаах айанньыттар эрэ буолбакка, улахан дьону кытта сылдьар оҕолор эмиэ кыттыахтарын сөп. Бастакы сезон кыайыылаахтарын быыһыгар көннөрү төлөпүөҥҥэ да уһуллубут киинэлэр кытта бааллара. Дьэ, онон кытаатыҥ!

Эһиги тэлбит суолгутунан атыттар барыахтара

Куонкурус түмүгүнэн кыттааччылар барбыт суоллара Уһук Илин эрэгийиэннэрин туристическай маршруттарын каартатыгар киллэриллиэхтэрэ.

Урут да устубут үлэлэргит буоллуннар

Өскөтө эһиги Уһук Илиҥҥэ былырыын да сылдьыбыт буолуҥ, син биир кыттар кыахтааххыт! Арай 2022 сыл балаҕан ыйыттан 2024 сыл ахсынньытыгар диэри айаннаабыт буолуохтааххыт.

Саҥа саҕахтар арыллыахтара

Алиса Слыщенко, Елена Поддубная, Эрнест Леонидов – бу ааспыт сезоҥҥа араас анал ааттарга кыайбыт дьон буолаллар. Быйылгы сезоҥҥа кинилэр дьүүллүүр сүбэ састаабыгар киирдилэр уонна эһиги матырыйаалларгытын сыаналыахтара.