Хаһыс да ыйын «Уһук Илин — мүччүргэннээх сырыылар сирдэрэ» диэн бастыҥ айаҥҥа Бүтүн Арассыыйатааҕы куонкуруска кыттарга сайаапка биэрэр хампаанньа бара турар. Ахсынньы 30 күнүгэр диэри Уһук Илин устун айанныы сылдьарыҥ туһунан кылгас ролик устан, путешественникдв.рф. саайтка ыытыаххын сөп. Онно кыттарга хас да биричиинэ баар.
Үчүгэй наҕараада кэтэһэр. Бастыҥ айан иһин гран-при бирииһэ 3 мөл. солк. Сатыы/уунан/кыһыҥҥы айан иһин анал ааттарга кыайдаххына – 1 мөл. солк.; бу анал ааттарга 2 миэстэ буоллаххына – 300 тыһ. солк.; 3 миэстэ иһин 100 тыһ. солк. Чукотка АУо губернатора Владислав Кузнецов Чукотканан айан иһин 1 мөл. солк. туруорда (ону Чукотка туһунан устубут айанньыттар икки ардыларыгар оонньотоллор).
Эһиги устубут киинэҕитин тыһыынчанан дьон көрүөҕэ! Ол курдук 1-кы сезон финалистарын киинэлэрин эрэгийиэннээҕи телевидениенан, атын уокуруктар киинэ тыйаатырдарыгар көрдөрбүттэрэ. Оттон кыайыылаахтар уонна призердар киинэлэрэ федеральнай ТВ көстүбүттэрэ, “Арассыыйа” быыстапка-пуорумҥа көрдөрбүттэрэ.
Куонкуруска уопуттаах айанньыттар эрэ буолбакка, улахан дьону кытта сылдьар оҕолор эмиэ кыттыахтарын сөп. Бастакы сезон кыайыылаахтарын быыһыгар көннөрү төлөпүөҥҥэ да уһуллубут киинэлэр кытта бааллара. Дьэ, онон кытаатыҥ!
Куонкурус түмүгүнэн кыттааччылар барбыт суоллара Уһук Илин эрэгийиэннэрин туристическай маршруттарын каартатыгар киллэриллиэхтэрэ.
Өскөтө эһиги Уһук Илиҥҥэ былырыын да сылдьыбыт буолуҥ, син биир кыттар кыахтааххыт! Арай 2022 сыл балаҕан ыйыттан 2024 сыл ахсынньытыгар диэри айаннаабыт буолуохтааххыт.
Алиса Слыщенко, Елена Поддубная, Эрнест Леонидов – бу ааспыт сезоҥҥа араас анал ааттарга кыайбыт дьон буолаллар. Быйылгы сезоҥҥа кинилэр дьүүллүүр сүбэ састаабыгар киирдилэр уонна эһиги матырыйаалларгытын сыаналыахтара.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…