Уһук Илин олохтоохторо  “гектардарыгар” дьиэ туттаары 1 тыһ. тахса уһук илиҥҥи ипотеканы ыллылар

Бэйэлэрин гектардарыгар дьиэ туттар дьоҥҥо  бэриллибит харчы 5 млрд солк. тиийэн эрэр.

Уһук Илиҥҥэ “Гектар” бырагырааманан ылыллыбыт сиргэ дьиэ тутуута бастакы күөҥҥэ турар. “Уһук Илиҥҥи ипотека” бырагырааманан дьиэни  туттарга кирэдьиити “Гектар” бырагыраамаҕа киирбит 1 тыһыынчаттан тахса киһи туһанна.

Уһук Илини уонна Арктиканы сайыннарар корпорация дааннайынан, бырагыраама кыттыылаахтарын 52 %-ра ылбыт учаастактарыгар дьиэни бэйэлэригэр анаан тутталлар.

Корпорация социальнай бырайыактарга департаменын дириэктэрэ Сергей Потанин: “”Гектар” бырагыраама кыттыылаахтарыгар чэпчэтилээх кирэдьиит 9 мөл. солк. диэри бэриллэр, сааһыттан да, дьиэ кэргэнин балаһыанньатыттан тутулуга суох.  Бу ылбыт сиригэр дьиэ туттарыгар Корпорация “Мой дом” диэн бэлэм пакет бэлэмнээтэ. Мантан биир бырайыагы талыаххын эрэ наада, атынын идэтийбит бэдэрээтчиттэр оҥоруохтара. Эһиги бэлэм дьиэҕэ киирэҕит эрэ. Уопсайынан, Уһук Илиҥҥэ бэйэҥ дьиэҕин туттаргар 100 млрд солк суумаҕа 18 тыһ. Уһук Илиҥҥи ипотека бэрилиннэ. Уһук Илин олохтоохторо чэпчэтиилээх кирэдьиити ылан, дьиэлэрин тутталлар, олохторун-дьаһахтарын тупсараллар.

“Уһук Илиҥҥи уонна Арктическай ипотека” бырагыраама 2030 сыл бүтүөр диэри үлэлиир. Кирэдьиити ылар усулуобуйаны КРДВ саайтыгар киирэн билсиэххитин сөп.