Хаартыска: sakha.gov.ru
Муус устар 26 күнүгэр Уһук Илин федеральнай уокурук Сэбиэтин мунньаҕар уокурук нэһилиэнньэтин уонна территорияларын баһаартан уонна халаан уутуттан харыстыыр дьаһалларын боппуруростарын дьүүллэстилэр.
Дойду Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев салайааччылааах сүбэ мунньахха Ил Дархан Айсен Николаев кыттыыны ылла.
Ил Дархан Айсен Николаев иһитиннэрбитинэн, Саха сиригэр халаан уутун утары дьаһаллар хайыы-үйэ саҕаланнылар. «Саха сиригэр 24 муниципальнай тэриллиигэ 125 бөһүөлэк халаанныыра сабаҕаланар. Өрүстэргэ муус харыытын утары сэрэтэр дьаһаллар Өлүөнэ, Алдан, Халыма, Амма, Нүүйэ, Токко өрүстэригэр 79 учаастактарынан ыытылыннылар», — диэн бэлиэтээтэ Айсен Николаев. Аны билигин гидротехническай тутуулары чинчийиигэ рейдэлэр ыытыллаллар. Ону сэргэ сүбэ мунньахха ойуур баһаардарын утары бэлэмнэнии боппуруоһун дьүүллэстилэр.
Саха сиригэр ойуур баһаарын утары бэлэмнэнии сүрүн соругунан нэһилиэнньэлээх пууннарга куттал суох буолуутун хааччыйыыта буолар. 950 км тахса уһуннаах минерализацияламмыт балаһалары уонна 550 км уһуннаах баһаары утары хаһыылары сөргүтэр былааннаахпыт. Ону сэргэ быйыл зондировщик көтөр ааллары туһаныы салҕаныаҕа. Бу ньыма көдьүүстээҕин дакаастаабыта. Эбии кэтээн көрүүлэргэ пилота суох аппарааттар туһаныллара былааннанар.
Сиһилии бу сигэнэн киирэн аах.
СӨ Ил Дарханын уонна Бырабыыталыстыбатын пресс-сулууспата
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…