sakha.gov.ru
Бастыҥ волонтерскай көҕүлээһиннэр уонна устудьуоннар түмсүүлэрэ «Уһук Илин сулуһа» бириэмийэнэн бэлиэтэннилэр.
РФ Бырабыыталыстыбатыгар сыл ахсын ыытыллар «Уһук Илин сулуһа» уопсастыбаннай-дьыалабыай бириэмийэ «Волонтерство» уонна «Вузы для СВО» номинациялар кыайыылаахтара ааттаннылар.
—Биһиги уопсай сорукпут — эдэр ыччат төрөөбүт дойдутун чахчы таптыыр, ону дьыаланан дакаастыырга бэлэм буоларын курдук иитэн-такайан таһаарыы буолар. Тыһыынчанан устудьуоннар, волонтердар гуманитарнай көмөнү хомуйууга көмөлөһөллөр, патриотическай аахсыйалары ыыталлар, байыастарга наадалааҕы оҥоруунан дьарыктаналлар. Кинилэргэ махтанабын. Бу наадалаах дьыала. Инники күөҥҥэ сылдьар, Арассыыйа интэриэһин туруулаһар дьоммутугар бу улахан суолталаах, — диэн этэр РФ Бырабыыталыстыбатын Бэрэссэдээтэлин солбуйааччы, РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ, «Уһук Илин сулуһа» уопсастыбаннай-дьыалабыай бириэмийэ дьүүллүүр сүбэтин бэрэссэдээтэлэ Юрий Трутнев.
Волонтердар көҕүлээһиннэрин уонна устудьуоннар бырайыактарын сыаналааһыҥҥа РФ наукатын уонна үрдүк үөрэҕин министиэристибэтин, Уһук Илини уонна Арктиканы сайыннарыы министиэристибэтин, Уһук Илини уонна Арктиканы сайыннарыы корпорациятын, РФ Судаарыстыбаннай Дууматын Уһук Илини уонна Арктиканы сайыннарыыга кэмитиэтин салайааччылара, уо.д.а. кыттыыны ыллылар.
«Вузы для СВО» номинация кыайыылааҕынан «Я горжусь» диэн Уһук Илиҥҥи федеральнай университет (Приморье кыраайа) буолла. Кулуупка ДВФУ устудьуоннарын 14 түмсүүтэ киирэр. Бу түмсүүлэргэ 1500-тэн тахса устудьуон баар. 2024-2025 сс. 498 тэрээһини ыыппыттар, 60000 киһини хаппыттар. 2023-2025 сс. байыастарга анаан 2,6 т гуманитарнай көмөнү хомуйбуттар.
Бу анал аат призердарынан #МЫВМЕСТЕ волонтердар ыстааптара уонна патриотическай кулууп «Поколение победителей» (Бурятиятааҕы ГСХА) уонна «Вызов» устудьуоннар патриотическай кииннэрэ (Амурдаҕы мэдиссиинэ академията) буоллулар.
«Волонтерство» номинацияҕак «ZA наших ЕАО» (ЕАО) волонтердар бөлөхтөрө кыайыылааҕынан таҕыста. Бөлөх наадалаах тэрили, анал тиэхиньикэни, аһы-үөлү, эми-тому ыларга харчы хомуйар уонна байыаннай дьайыы буола турар сиригэр-уотугар тиэрдиини тэрийэр. Анал аат призердарынан «Руки ангелов» (ЕАО) добровольческай бөлөх, «Жить за двоих» (ЕАО) бырайыактара буоллулар.
Сиһилии: https://www.sakha.gov.ru/news/18030
СӨ Ил Дарханын уонна Бырабыыталыстыбатын пресс-сулууспата
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…