“Уһук Илин сулуһа” бириэмийэҕэ 150 тахса бырайыак дьулуһар

“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ  Уһук Илиҥҥэ уонна Арктикаҕа олоххо киирэр 150 инвестиция уонна уопсастыбаннай бырайыак киллэрилиннэ.

“За вклад в стратегическое развитие Дальнего Востока и Арктики” номинацияҕа саамай элбэх 30 тахса сайаапка киирдэ. Ол кэнниттэн — “Волонтерство”(25) уонна “Вузы для СВО” (20 тахса).

“2013 с. Арассыыйа Бэрэсидьиэнэ Владимир Путин Уһук Илин сайдыытын 21 үйэҕэ бүттүүнүгэр национальнай тумус тутуллар соругунан ааттаабыта. Онон эрэгийиэн 2015 сылтан дойду атын сирдэрин сайдыытынан куоһарар. Инвестордарга, урбаанньыттарга, волонтердарга, уопсастыбаннай диэйэтэллэргэ махталы биллэрээри “Звезда Дальнего Востока” бириэмийэ олохтоммута. Быйыл бу Арктикаҕа эмиэ тарҕанна. Байыаннай дьайыыга көмөлөһөөччүлэргэ ураты болҕомто ууруллуоҕа”, — диэтэ бириэмийэ жюритын бэрэссэдээтэлэ Юрий Трутнев.

2025 сылга бириэмийэ ахсыс төгүлүн ыытыллар. Бириэмийэ сыала – Уһук Илини 21 үйэҕэ бүттүүнүгэр сайдыы уонна национальанй приоритет сиринэн-уотунан көрдөрөргө. Бириэмийэ сүрүн тиэмэлэриттэн биирдэстэрэ – байыаннай дьайыыга кмөөлөһөр хампаанньалары биһирээһин, ол иһигэр “Патриотическая” ТОР резиденнэрин.

Инвестиционнай бырайыактар маннык номинацияларга наҕараадалары ылыахтара:  “За вклад в стратегическое развитие Дальнего Востока и Арктики”, “За вклад в развитие регионов”, “Лидер по созданию высококвалифицированных рабочих мест”, “Лидер в создании комфортных рабочих условий”, “Технологические новации”, “Всё для Победы”. СМИ уонна блогосфера “Красная строка” диэҥҥэ тиксиэхтэрэ. Наҕарааданан “Гектар” бырагыраама бастыҥ кыттааччылара биһирэниэхтэрэ.

Сиһилии: https://www.sakha.gov.ru/news/17460