Хаартыска sakha.gov.ru ылылынна
РФ Бырабыыталыстыбатыгар «Уһук Илин сулуһа» уопсастыбаннай-дьыалабыай бириэмийэни туттарыы үөрүүлээх тэрээһинэ буолла.
«Гектар Победы» номинация кыайыылааҕынан Хаҥалас улууһуттан Сиинэттэн кыттыбыт «Ямщицкое подворье» этнографическай туристическай комплексы сайыннарыы бырайыага буолла.
—Туристическай бырайыакпыт биир соругунан Саха сиригэр ыалдьыттыы кэлбит туристары күн судаар дьаамсыктар удьуордарын култуураларын, ураты олохторун-дьаһахтарын кытары билиһиннэрии буолар, — диэн кэпсиир туркомплексы тэрийиини көҕүлээччи Лидия Яйлиян.
—Биһиги дьиэ кэргэммит бу уопсай кыайыыта. Бу ситиһии биһиэхэ эрэли, салгыы үлэлииргэ күүһү биэрэр. Ааһан эрэр сылга биһиги «Демьян Беднай» теплоходунан сылдьар ыалдьыттары көрсүбүппүт. Элбэх көрсүһүүлэри, бэстибээллэри ыыттыбыт. Бырыйыакпыт кэҥиэҕэ уонна сайдыы саҥа хайысхаларын ылыаҕа, — диир кини.
«Патриотическай» ТОР резиденэ «Саха Дрон» хампаанньа «Технологические новации» номинация призерунан буолла. Онтон «Жатайская судоверфь» АУо (Саха сирэ) бырайыагынан «Лидер в создании комфортных рабочих условий» номинация призерунан билинилиннэ.
Санатан эттэххэ, «Уһук Илин сулуһа» уопсастыбаннай-дьыалабыай бириэмийэ 2017 сыллаахтан ыытыллар. Лауреаттарынан Уһук Илини сайыннарыыга боччумнаах кылааттарын киллэрбит 130-тан тахса урбаанньыт, уопсастыбаннай диэйэтэллэр, суруналыыстар буолбуттара.
Сиһилии: https://www.sakha.gov.ru/news/18032
СӨ Ил Дарханын уонна Бырабыыталыстыбатын пресс-сулууспата
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…