Уһук Илин туһунан бастыҥ киинэҕэ куонкурус биллэрилиннэ

«Уһук Илин, мин эйигин таптыыбын!» диэн куонкурус биллэриллэн, бастыҥ үлэлэринэн киинэ альманаҕа тахсыаҕа.

Куонкуруска сайаапкалары бэс ыйын 12 күнүгэр диэри туталлар. Манна драма, кэмиэдьийэ, мелодрама уонна фантастика жанрдаах үлэлэри дьүүллүүр сүбэ күүтэр.

«КиноКонструктор» платформа «Айрис Филмс» киинэ хампаанньатын кытта тэрийэн ыыталлар. Кыттыан баҕалаахтартан сценарийдары уонна бэлэм үлэлэри күүтэллэр. Куонкурус түмүгүнэн «Уһук Илин айылҕата уонна дьоно» диэн тиэмэлээх 12 бастыҥ үлэни талыахтара.

Сайаапкалары киноконструктор.рф порталга биэриэххэ сөп.