Хаартыска sakha.gov.ru ылылынна
Бу куонкурус түмэл тэрилтэлэригэр кэскиллээх бырайыактары торумнааһыҥҥа туһуланар.
Куонкуруска судаарыстыбаннай, муниципальнай, чааһынай мусуойдар уонна атын кэмиэрчэскэйэ суох тэрилтэлэр кыттыахтара.
10-тан аҕыйаҕа суох түмэл финалга тахсыаҕа: ааптардары “Уһук Илиҥҥэ тэрилиннэ” креативнай индустрия пуорумугар ыҥырыахтара. Атырдьах ыйын 1-3 күннэригэр Хабаровскайга бырайыакка сэминээр буолуоҕа. Бырагыраама соруга – бу бырайыактары ситиһиилээхтик олоххо киллэрии.
Атырдьах ыйын 3 күнүгэр Хабаровскайга сэминээр түмүгүнэн финалистартан үс кыайыылааҕы быһаарыахтара. Эспиэртэр рейтиннэригэр бастакы уонна иккис миэстэни ылбыт түмэллэр салгыы сайдалларыгар 100000 солкуобайдаах өйөбүлү ылыахтара. Үһүс миэстэлээх түмэл бырайыагынан түөрт күннээх стажировкаҕа В.К.Арсеньев аатынан судаарыстыбаннай холбоһуктаах мусуой-заповедникка барыаҕа. Стажерга Владивостокка айана уонна олоруута төлөнүөҕэ.
Сайаапкалары от ыйын 19 күнүгэр диэри тутуохтара( Владивосток бириэмэтинэн 18:00 диэри). Сайаапкаҕытын манна биэриҥ: (https://forms.gle/sBbwDWbS2MUcgXr68). Куонкурус туһунан балаһыанньа: (https://amcult.ru/dokumentatsija).
Сайаапкалары ылыы кэмигэр 3 вебинар буолуоҕа. Бастакы бүгүн Владивосток бириэмэтинэн 16:00 саҕаланыаҕа. Регистрация: (https://amculture.timepad.ru/event/2948931/).
От ыйын 17 күнүгэр 16:00 ч. Владивосток бириэмэтинэн сүбэ биэриэхтэрэ. Регистрация: https://amculture.timepad.ru/event/2950280/.
Куонкуруһу көҕүлээччи – Уһук Илин уонна Сибиир түмэллэрин сайдыытын аһымал пуондата.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…