Уһук Илин уокурук  Аҕа дойду буойуннарын дьиэ кэргэттэрин кэмитиэтин пуорума ыытылынна

Владивосток куоракка Уһук Илин федеральнай уокурук Аҕа дойду буойуннарын дьиэ кэргэттэрин кэмитиэтин пуорума ыытылынна.

Тэрээһин кыттааччылара Уһук Илин уокурук байыастарын реабилитациялааһын үлэтин, юридическай уонна психологическай өйөбүллэри оҥоруу  боппуруостарын дьүүллэстилэр. Пуорумҥа Саха сиринээҕи дойду буойуннарын  дьиэ кэргэттэрин кэмитиэтин бэрэссэдээтэлэ, СӨ уопсастыбаннай балаататын чилиэнэ Марина Бахилина салайааччылаах Саха сирин дэлэгээссийэтэ кытынна.

Уокуруктааҕы пуорумҥа 200-тэн тахса байыаннай дьайыы кыттаалаахтарын кэргэттэрэ, ийэлэрэ уонна оҕолоро түмсэн кытыннылар. Кэмитиэттэр көхтөөх чилиэттэрэ бэйэ-бэйэлэрин кытта тус уопуттарын үллэһиннилэр уонна инники былааннарын дьүүллэстилэр. Тэрээһиҥҥэ кэмитиэт эспиэрдэрэ ыалдьыттарга байыаннай дьайыы кыттыылаахтарыгар көрүллэр судаарыстыбаттан төлөбүрдэр уонна психологическай көмө оҥоруутун туһунан кэпсээтилэр. Оҕолору кытта үлэҕэ туспа болҕомто уурулунна. Пуорум ыалдьыттарын РФ Бэрэсидьиэнин Уһук Илиҥҥэ боломуочуйалаах бэрэстэбиитэлин солбуйааччы Григорий Куранов эҕэрдэлээтэ, оттон Приморскай кыраай салалтатын сүрүн үлэтин туһунан Приморье салалтатын бэрэссэдээтэлин солбуйааччы Елена Бронникова билиһиннэрдэ диэн «Восток Медиа» суруйар. Ити курдук пуорум кыттыылаахтара Аҕа дойду буойуннарын дьиэ кэргэттэрин кэмитиэтин эспиэрдэрин кытта сирэй көрсөн сэһэргэстилэр,  юридическай уонна психологическай консультацияларынан туһаннылар.