Уһук Илин уокурук устудьуоннарыгар анал истипиэндьийэни олохтуохтара

Дойду бэрэсидьиэнэ Владимир Путин сорудаҕынан, Уһук Илини сайыннарар министиэристибэ устудьуоннарга анал истипиэндьийэни олохтуоҕа. Истипиэндьийэ кээмэйэ – 30 тыһ. солк.  

Тустаах истипиэндьийэни Уһук Илин үрдүк үөрэҕин кыһатыгар үөрэнэ киирбит Арассыыйа ханнык баҕарар эрэгийиэнин оҕото ылар кыахтаах диэн Объясняем.РФ суруйар.

Истипиэндьийэҕэ хапсарга мантан биир ирдэбили толоруллуохтаах:

— биир кэлим эксээмэҥҥэ (ЕГЭ) кырата биир биридимиэккэ 100 баалы ылыахтаах;

— Бүтүн Арассыыйатааҕы олимпиада кыайыылааҕынан эбэтэр призерунан буолуохтаах.

Истипиэндьийэ ый аайы бакалавриат уонна специалитет устудьуоннарыгар үөрэхтэрин былаһын тухары төлөнүөҕэ. Саамай сүрүнэ – эксээмэннэрин ситиһиилээхтик туттарыахтаахтар.