Уһук Илин уокурукка аан бастакытын футбол медийнэй лигата баар буолла

Бу күннэргэ Хабаровскай “Искра” стадионугар Уһук Илиҥҥи футбольнай медийнэй лига күрэхтэһиитин бастакы туура буолан ааста. Барыта 7 хамаанда оонньоото. Манна спортсменнартан саҕалаан урбаанньыттарга тиийэ киирдилэр.

Уһук Илиҥҥи медиа лига быйыл тэриллибитэ. Бастакы сезоҥҥа сэттэ хамаанда кытынна, итинтэн 6 – Хабаровскайтан, 1 хамаанда – Владивостоктан.

“Маннык күрэхтэһии соругунан, араас эйгэ дьоно оҕо саастарын баҕа санаатын – футбол хонуутугар албан аатырыыны олоххо киллэрии буолар. Билигин Уһук Илиҥҥэ даҕаны бу курдук дьоруойдар баар буоллулар, салгыы кинилэр ситиһиилэрин кэтээн көрүөхпүт”, — диэн Медиа лига бэрэсидьиэнэ Данил Григорьев санаатын үллэһиннэ.

Бу курдук успуорка көҕүлээһиннэри өйөөһүн, Уһук Илиҥҥи уокурукка футболу оонньуутааҕар улахан суолталыыр. Кырачаан футболистары сүүмэрдээн үөрэтэр, успуорт саҥа эбийиэктэрин тутар, күрэхтэһиилэри ыытар, нэһилиэнньэни успуордунан дьарыктанарга көҕүлүүр хас даҕаны киһи үлэтин түмүгүнэн буолар.

Кыайыылаах хамаанда атырдьах ыйын 5 күнүгэр Хабаровскайга ыытыллар финалга биллиэҕэ. Кэлэр сезоҥҥа Уһук Илин бары эрэгийиэннэриттэн хамаандалар кыттар кыахтаатар.