Хаартыска -- СӨ Ил Дарханын уонна Бырабыыталыстыба пресс-сулууспата
2025 сылга Уһук Илин уокурукка алта саҥа креативнай кластердар баар буолуохтара. Креативнай кластердар Улан-Удэҕэ, Благовещенскайга, Биробиджаҥҥа уонна Владивостокка сайдыахтара.
Бу туһунан «Креативнай экэниэмикэ» хайысхатыгар департаменын Уһук Илин уонна Арктика сайдыытын корпорацияларын салайааччы Вячеслав Завалин иһитиннэрдэ. Уһук Илиҥҥэ креативнай экэниэмикэ сайдыытын кэскилин туһунан Благовещенскайга ыытыллыбыт «Амурэкспофорум» былаһаакка сиэссийэтигэр кэпсэттилэр.
Вячеслав Завалин араас эрэгийэннэринэн креативнай индустрия сайдарыгар эбии инфраструктура тэриллэрин, саҥа оборудование атыылаһыыга, каадырдары тардыыга уонна креативнай бырайыактары тэрийиигэ көмө оҥоһулларын бэлиэтээтэ. Холобур быһыытынан кини Кытай партнердарынан Саха сиригэр аан дойду таһымнаах саҥа киинэ павильонун тутуутун кэпсээтэ.
Бу сыалга саҥа исписэлиистэри бэлэмнээһин олус суолталааҕын уонна креативнай индустрияны сайыннарыы тутаах хайысха буоларын ыйда. Уһук Илин уокурукка ГИТИС, ВГИК, Щукин аатынан тыйаатыр үнүстүүтэ курдук дойду бастыҥ үөрэх тэрилтэлэрин филиаллара баар буолан эрэллэр. 2025 сылтан бу филиалларынан эдэр исписэлиистэри үөрэтэр кыах үөскүөҕэ уонна креативнай индустрия эйгэтигэр саҥа каадырдары бэлэмнээһиҥҥэ көмөлөһүөҕэ.
Санатан эттэххэ, Саха сиригэр хас биирдии онус олохтооҕо креативнай индустрия эйгэтигэр үлэлиир. Бу хайысхаҕа өрөспүүбүлүкэҕэ 45,8 тыһ. тахса исписэлиис үлэлиир.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…