Уһук Илин уокурукка бастакы ураты кластер — Дьокуускайга

Сэтинньигэ Уһук Илин уокурукка бастакы ураты «Үлэ кыбартаала» кластер олоххо киириэҕэ.

Ил Дархан Айсен Николаев бүгүн түмүктэнэн эрэр тутууну көрдө-иһиттэ.

— Тутуу үрдүк хаачыстыбалаахтык баран иһэр. Үлэ ис өттө хаалбыт. Дьиэ таһын тупсарыы, оҥоруу түмүктэнэн эрэр. Тутууну былааннаммыт болдьоҕор – сэтинньигэ киллэрэрдии түмүктүөххэ наада диэн соруйдум, — диэн Айсен Николаев кластер тутуутун хаамыытын кытта билсэн баран бэлиэтээтэ.

Хаартыска — СИА.