Хаартыска: Мария Васильева, СИА.
Уһук Илин федеральнай уокурук эрэгийиэннэрэ, Уһук Илин уокурукка тоҕоостоох куортамнаһар дьиэни тэрийии бырагырааматынан, 13 тыһ. кыбартыыраны тутууга сайаапка ыыппыттар.
Сыл түмүктэниэр диэри Владивостокка “Айвазовскай” комплекска бастакы 42 кыбартыыраны куортамныахтарын сөп. Быйыл ДОМ.РФ бырагырааманы сүрүннээччи быһыытынан, Уһук Илин уокурук эрэгийиэннэрэ этии киллэрбит эбийиэктэригэр 3 тыһ. кыбартыыраны атыылаһыыга (тутууга) кыттыгас өлүүлээх дуогабары түһэрсэр былааннаах.
“Уһук Илиҥҥэ үөрэҕи бүтэрэр эбэтэр үлэлии кэлэр эдэр исписэлиистэргэ 10 тыһ. куортамнанар кыбартыыра тутуллуоҕа. Эрэгийиэннээҕи уонна федеральнай бүддьүөттэн субсидияланар буолан төлөбүрэ биллэ кыччыаҕа”, — диэн Владимир Путин эппитэ.
“Сүрүн боппуруостар дьон олорор усулуобуйатын тупсарыыны кытта сибээстээхтэр. РФ Бырабыыталыстыбатын бэрэссэдээтэлэ Михаил Мишустин эдэр исписэлиистэргэ уонна усудьуоннарга 10 тыһ. кыбартыыраттан итэҕэһэ суоҕу тутар туһунан быһаарыыны ылла. Бу курдук дьиэни обороннай-бырамыысыланнай комплекс тэрилтэлэрин үлэһиттэрэ эмиэ ылыахтарын сөп. “Уһук Илин уокурукка тоҕоостоох куортамнаһар дьиэ” бырагыраама Уһук Илин нэһилиэнньэтин ахсаанын элбэтэри хааччыйар Бырабыыталыстыба уон стратегическай көҕүлээһинин испииһэгэр киирдэ. Быһаарыы бэрэсидьиэн Илиҥҥи VI экэнэмиичэсэкэй пуорум түмүгүнэн биэрбит сорудаҕар олоҕуран ылылынна. Тустаах кыбартыыралары куортамнааһын федеральнай уонна эрэгийиэннээҕи бүддьүөттэртэн субсидияланыахтара, оччотугар ыйдааҕы төлөбүр хас да бүк кыччыаҕа. Ол курдук, икки хостоох кыбартыыра түөрт төгүл кыччыаҕа – ыйга 42 тыһ. солкуобайтан 10,5 тыһ. солк. диэри. Бу соругу 2027 сылга диэри быһаарар былааннаахпыт”, — диэн Юрий Трутнев бэлиэтиир.
“Уһук Илин уокурукка тоҕоостоох куортамнаһар дьиэ” бырагырааманы олоххо киллэрии мэхэньиисимин Арассыыйа Уһук Илини сайыннарыыга министиэристибэтэ ДОМ.РФ олорор эйгэни сайыннарар биир кэлим институтун кытта оҥордулар. Хампаанньа кыттыгас өлүү дуогабарынан тутааччылартан куортамнанар кыбартыыралары ылыаҕа. Бу сыалга анаан ДОМ.РФ устааптаах хапытаалын улаатыннарар туһунан дьаһалы ылынна.
“Куортамнанар тоҕоостоох дьиэни тутуу Уһук Илин уокурукка олорорго уонна үлэлииргэ табыгастаах усулуобуйаны тэрийиигэ туһаайыллыбыт судаарыстыбаннай өйөбүл саҥа, эбии миэрэлэриттэн биирдэстэрэ буолар. Чэпчэтиилээх куортамынан эрэгийиэҥҥэ кэлэр исписэлиистэр эбэтэр Уһук Илин тэрилтэлэригэр үлэҕэ киирэр үрдүк үөрэҕи бүтэрбиттэр туһанар кыахтаахтар”, — диэн Уһук Илини уонна Арктиканы сайыннарыы миниистирэ Алексей Чекунков иһитиннэрдэ.
Саха сиригэр тустаах бырагырааманы олоххо киллэриинэн, манна кыттыан баҕалаах тутааччылар испииһэктэрэ оҥоһуллубута, “ДОМ.РФ” АУо 1004 кыбартыыраҕа хадатаайыстыбаны ыыппыттара.
Өрөспүүбүлүкэ сиригэр-уотугар суукка иһигэр 7 буруйу оҥоруу тахсыбыта бэлиэтэннэ. Манан процессуальнай бэрэбиэркэни ыытыыны уонна холуобунай…
Сунтаар улууһун Кириэстээх олохтооҕо Евдокия Никитина 2022 сыллаахха кэтэх хаһаайыстыба тэриммитэ. Уһаайбатыгар бүгүн кус оҕолоро,…
Бэс ыйын 23-24 күннэригэр Ньурба улууһун Чаппанда орто оскуолатын 1975 сыллаахха 10-с кылааһы бастакынан бүтэрбиппит…
Бүгүн, от ыйын 5 күнүгэр, өрөспүүбүлүкэ хотугулуу-арҕаа өттүгэр сөҥүү түһэрэ күүтүллүбэт. Мантан атын өттүгэр кыралаан…
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…