Уһук Илин уонна Арктика демографияҕа сайдыытын Арассыыйатааҕы кэмпириэнсийэҕэ ырытыахтара

Благовещенскайга от ыйын 6 уонна 7 күннэригэр Уһук Илин уонна Арктика демографияҕа сайдыытын ырытар Арассыыйатааҕы кэмпириэнсийэ ыытыллыаҕа.

Манна эспиэрдэр, федеральнай уонна эрэгийиэннээҕи былаас уорганнарын, уопсастыбаннай тэрилиилэр бэрэстэбиитэллэрэ кыттыыны ылыахтара.

Олоххо киирэр миэрэлэри чинчийэр уонна саҥа быһаарыныылары толкуйдуур кэмпириэнсийэ сыллата ыытыллар. Ылыныллыбыт быһаарыныылар олоххо бырагыраамалаах докумуон буолан киириэхтэрэ.