Уһук Илин уонна Арктика сайдыытыгар 100 млрд солкуобайы көрдүлэр

Владимир Путин сорудаҕынан Уһук Илин уонна Арктика сайдыытыгар 100 миллиард солкуобай көрүлүннэ. Бэрэсидьиэн эрэгийиэннэринэн инфраструктурнай кирэдьииттэри биэрии мэхэньииһимнэрин бигэргэттэ. Бу туһунан СӨ Ил Дарханын уонна бырабыыталыстыбатын пресс-сулууспата суруйар.

Кинилэр 15 сылга диэри 3 %-наах үбүлээһини ылыахтарын сөп. Ол курдук, Уһук Илин маастар-былаанын олоххо киллэриигэ — 70 млрд солк., оттон Арктика – 30 млрд. солк. ылыаҕа.
РФ Бэрэсидьиэнин полпреда Юрий Трутнев Уһук ИЛин эрэгийиэннэрин баһылыктарын уонна федеральнай министиэристибэлэр салайааччыларын кытта көрсөн, макрорегион куораттарын маастар-былааннарын дьаһалларын олоххо киллэрии боппуруоһугар сүбэ мунньаҕы ыытта.

«Мастер-былааннар куорат олохтоохторун куорат тупсарыыга баҕа санааларын, эрэллэрин көрдөрөр. Онон нэһилиэнньэ наадыйыыта олоххо киириэхтээх. Эбийиэктэри тутууга уонна наадалаах инфраструктуранан хааччыйыыга эрэ буолбакка, ороскуоту оптимизациялааһын улахан суолталаах», — диэтэ Юрий Трутнев.

Маны таһынан сүбэ мунньахха бүддьүөт кирэдьииттэригэр бэриллибит үп-харчы сүрүн хайысхаларын дьүүллэстилэр. Сиһилии манна аах.